“SIHRA BUDAPEST” ОЛОН УЛСЫН ХҮНСНИЙ ҮЗЭСГЭЛЭН ОРОЛЦОХЫГ УРЬЖ БАЙНА

2014 оноос хойш 9 дэх жилдээ зохион байгуулагдаж байгаа Унгарын Будапешт хотод  болох SIHRA BUDAPEST  олон улсын хүнсний үзэсгэлэнгийн бүртгэл явагдаж байна. Энэхүү үзэсгэлэн нь 2022 оны 3 дугаар сарын 22-24-ны өдрүүдэд зохион байгуулагдах бөгөөд та онлайнаар болон биечлэн оролцох боломжтой юм.

SIHRA BUDAPEST 2020 оны үзэсгэлэнд хүнсний үйлдвэр, жигнэмэг, нарийн боовны үйлдвэрлэл, зочид буудал, нийтийн хоолны салбар, сав баглаа боодлын салбарын нийт 300 компани оролцсоноос 116 гадаадын компани 44 нь үндэстэн дамнасан компаниуд байсан ба нийт 24 000 үзэгч үзэж сонирхсон байна.  Энэ жилийн онцлог нь үзэсгэлэн  hybrid байдлаар болох ба доорх номинацын дагуу шилдэг оролцогчдыг шалгаруулж шагнал гардуулдаг :

    Хоол үйлдвэрлэл, шингэн хүнс
    Талх, нарийн боовны бүтээгдэхүүн,
    Технологи, Зочид буудлын бүтээгдэхүүн,
    Сав баглаа боодлын үйлдвэрлэл ба ложистик
    Шинэ дэвшилтэт технологи

Үзэсгэлэнгийн хамрах хүрээ: хоол үйлдвэрлэл, шингэн хүнс, катеринг  талх нарийн боов, нийтийн хоолны тоног төхөөрөмж, сав баглаа боодол, зочид буудлын хэрэгсэл мөн кофе бүтээгдэхүүн, тоног төхөөрөмж

Та энэхүү үзэсгэлэнд оролцохыг хүсвэл Унгарын элчин сайдын яамны bankhbayar@mfa.gov.hu цахим хаягаар холбогдоно уу.

Жич: үзэсгэлэнгийн танилцуулга, урилга, дүрэм, төлбөрийн мэдээллийг хавсаргав.