(+976) 7727-7070
info@mongolchamber.mn
08:30 - 17:30
Ажлын цаг

БНХАУ-ын Гаалийн баталгаат бүсийн экспорт импортын хэмжээ 2021 оны эхний хагас жил өссөн үзүүлэлттэй байна

2021/07/04 0

Оны эхний таван сарын байдлаар БНХАУ-ын гаалын баталгаат бүсийн импорт, экспортын хэмжээ өмнөх оны мөн үеэс 31.6% -иар өссөн үзүүлэлттэй байна.

Шинхуа агентлагийн 06 дугаар сарын 24-ны /Бээжингийн цагаар/ өдрийн мэдээлснээр, Гаалийн Ерөнхий Газрын 23-ны өдрийн гаргасан статистикаас харахад, улсын хэмжээнд оны эхний таван сард БНХАУ-ын гаалийн баталгаат бүсийн импорт экспортын хэмжээ 2.08 их наяд юаньд хүрсэн нь өнгөрсөн оны мөн үетэй харьцуулахад 31.6 хувиар өссөн байна. Түүнчлэн импорт, экспортын нийт өсөлтийн хурдаас 3.4 нэгжээр илүү байв.

Статистикаас харахад, экпорт нэг их наяд 106 тэрбум 730 сая юаньд хүрсэн буюу өнгөрсөн оны мөн үетэй харьцуулахад 36.4 хувиар өссөн бол импорт 976 тэрбум 370 саяд хүрч 26.6 хувиар өссөн байна.

Гаалийн баталгаат бүс зэрэг гаалийн тусгай хяналтын бүсүүд нь Төрийн зөвлөлийн батласан, татварын тусгай бодлого болон импорт, экспортын бодлогыг хэрэгжүүлэх зэрэг улсын холбогдох дүрэм журмын дагуу гаалийн байгууллагын хяналтад байдаг эдийн засгийн бүс юм. Өнөөг хүртэл улсын хэмжээнд 164 гаалийн тусгай хяналтын бүсүүд дэх гаалийн баталгаат бүсийн тоо 151 буюу 92.1%-ийг эзэлж байна.

Гаалийн ерөнхий газрын Чөлөөт худалдааны бүс, тусгай бүсийг хөгжүүлэх газрын дарга Чэнь Жэн Чунг нь танилцуулахдаа: Гаалийн ерөнхий газар нь Төрийн зөвлөлийн “Гаалийн баталгаат бүсийг өндөр түвшинд нээлттэй байлгах, чанарын өндөр түвшинд хөгжүүлэх тал дээр дэмжлэг үзүүлэх санал” шаардлагын дагуу гаалийн тусгай хяналтын бүсийг зорилтот түвшинд хүргэхийн тулд нэгдсэн оновчлолыг дэмжих, үйл ажиллагааны завсрын болон дараах хяналтын тогтолцоог сайжруулах, гаалийн баталгаат бүсийг байгуулах ажлыг хялбарчлах, шалгалт болон хүлээн авах үйл явцыг нэгтгэх зэрэг ажлуудыг тасралтгүй хийж хэрэгжүүлж буй талаар дурдсан.

Өнгөрсөн оноос эхлэн Гаалийн ерөнхий газар бусад холбогдох газруудтай хамтран гаалийн баталгаат бүсэд энгийн НӨАТ төлөгчийн эрх бүртгүүлэх цэгийг нэмэгдүүлэхээр туршин ажиллах, тус бүсэд байгаа боловсруулах, үйлдвэрлэх аж ахуйн нэгжүүдийг үйлдвэрлэлийн илүүдэл хүчин чадлаа ашиглан Хятадаас гадна захиалгат боловсруулалт хийх боломжийг олгох, зах зээлийг бүрэн эрчимжүүлэх үүднээс дотоодын болон олон улсын зах зээл, нөөцийг илүү уялдуулан зохицуулахад аж ахуйн нэгжүүдийг дэмжих тал дээр ажиллаж байна. Үүний зэрэгцээ Гаалийн ерөнхий газар нь гаалийн баталгаат бүсийн хяналтын загварт оновчлол хийх, “Хоёр үе шаттай мэдүүлэх”, “Хоёр үе шаттай нэвтрүүлэх”, “Хоёр үе шаттай оновчлол” зэрэг гол шинэчлэлийг тухайн бүсэд хэрэгжүүлэхэд тэргүүлэх ач холбогдол өгөх, гаалийн баталгаат бүс дэх аж ахуй нэгжүүд дансаа бүртгүүлж, татварын төлбөрөө “Секунд”-ын дотор хийж, хөнгөвчлөх түвшинг улам сайжруулах тал дээр тасралтгүй ажиллаж байна.

Мөн тус мэдээнд мэдээлснээр, Гаалийн ерөнхий газар нь дараагийн шатанд холбогдох газруудтай хамтран цаашид гаалийн баталгаат бүсийн бодлогын чиг үүргийг өргөжүүлэх, гаалийн баталгаат бүс дэх боловсруулах, үйлдвэрлэх, баталгаат агуулах, ложистикийн түгээлт зэрэг уламжлалт бизнесийг хөгжүүлэх, туршилт судалгаа, хяналт шалгалт, засвар үйлчилгээ зэрэг бизнесийн шинэ форматуудыг нэн тэргүүнд дэмжих мөн гаалийн баталгаат бүс нь бараа бүтээгдэхүүний худалдааг гол болгон бараа бүтээгдэхүүний худалдаа болон үйлчилгээний худалдааг цогцоор нь хөгжүүлэхийн тулд алхам алхамаар дэмжин ажиллах юм.

Эх сурвалж: ChinaDaily