“Анчин бүргэд” ХХК-ийн ерөнхий захирал алтан гадас одон хүртлээ

2021/07/01 0

Монгол Улсын Ерөнхийлөгч Х.Баттулга 2021 оны тавдугаар сарын 25-ны өдөр зарлиг гаргаж, аялал жуулчлал, худалдаа үйлчилгээний “Анчин бүргэд” ХХК-ийн ерөнхий захирал, Монгол-Өвөрмонголын Бизнесийн ерөнхий холбооны дэд Ерөнхийлөгч П.Мэргэнийг Монгол Улсын Төрийн дээд шагнал “Алтан гадас” одонгоор шагнасныг 2021 оны зургадугаар сарын 24-ний өдөр Ерөнхийлөгчийн Тамгын газрын дарга Ө.Шижир гардуулжээ. Түүний Монгол Улсын аялал жуулчлалын салбар, хоёр улсын гадаад харилцаа, хамтын ажиллагаа болон хүн амын эрүүл мэндийн харилцаа зэрэг нийгэм, эдийн засгийн хөгжилд оруулсан хувь нэмрийг нь үнэлж ийнхүү төрийн дээд шагнал олгосон байна.

Байгальд ээлтэй ногоон технологийн хамгийн сүүлийн үеийн шийдэл бүхий аялал жуулчлалын цогцолборыг байгуулан дотоодын болон гадаадын хэрэглэгч, жуулчдад хүргэх, нутагшуулах талаар томоохон ажлуудыг эхлүүлсэн П.Мэргэн захиралд МҮХАҮТ-ын зүгээс баяр хүргэж, улам их амжилт хүсье.