(+976) 7727-7070
info@mongolchamber.mn
08:30 - 17:30
Ажлын цаг

"Жижиг дунд үйлдвэрийн бүтээгдэхүүн, үйлчилгээ, технологи 2021" олон улсын цахим үзэсгэлэн нээгдлээ

2021/06/25 0

Монгол Улсад худалдааны салбар үүсэж хөгжсөний 100 жилийн ойг тохиолдуулан МҮХАҮТ, ХХААХҮЯ, НЗДТГ хамтран “Жижиг Дунд Үйлдвэрийн Бүтээгдэхүүн, Үйлчилгээ, Технологи-2021” Олон улсын үзэсгэлэн худалдааг 23 дахь жилдээ “Хямралыг хамтдаа давъя” уриатайгаар зохион байгуулж байна. 1997 оноос хойш зохион байгуулагдсан тус үзэсгэлэнд гаднын 10 орны 564 ААН оролцож байсан бөгөөд үзэсгэлэн анх удаа цахим хэлбэрээр зохион байгуулагдаж байгаагаараа онцлогтой. Энэ удаагийн үзэсгэлэнг Хаан Банк ивээн тэтгэн оролцож байна.

6 дугаар сарын 30-ныг дуустал www.trademongolia.mn цахим хуудсаар олон нийтэд хүрэх үзэсгэлэнд нийслэл Улаанбаатар хот болон 11 аймаг, орон нутгийн 80 гаруй аж ахуйн нэгж, бизнес эрхлэгчид өөрсдийн 750 гаруй бүтээгдэхүүн, үйлчилгээгээрээ нэгдэж, хямралын эсрэг хамгийн хямд үнийг санал болгож байна.

Үзэсгэлэнгийн төгсгөлд зохион байгуулагчдын зүгээс шилдгийн шилдэг бүтээгдэхүүн, үйлчилгээг шалгаруулж, олон нийтэд зарлах юм.