ТРАМ төслийн хаалтын хурал боллоо

2021/06/25 0

Европын Холбооны дэмжлэгтэй 2017 онд эхэлсэн Монгол Улсад хэрэгжсэн Монголын худалдааг дэмжих - ТРАМ төсөл 4 жилийн хугацаанд хийсэн ажлаа дүгнэж хаалтын хурлаа зохион байгуулав. Төслийн хаалтын арга хэмжээг нээж Гадаад харилцааны сайд Б.Батцэцэг, Европын Холбооноос Монгол Улсад суугаа Элчин сайд Траян Лауренцю Христеа, МҮХАҮТ-ийн Ерөнхийлөгч О.Амартүвшин нар үг хэллээ.

МҮХАҮТ-ийн Ерөнхийлөгч О.Амартүвшин Монгол Улсын Худалдааг Дэмжих төсөл нь Монгол Улсын эдийн засгийг төрөлжүүлэх, уул уурхайн бус бараа бүтээгдэхүүний экспортыг нэмэгдүүлэх чиглэлд Монголын 100 гаруй жижиг дунд үйлдвэрлэгч аж ахуйн нэгжүүдийг чадавхжуулан Европын холбооны улсууд руу тухайлан ХБНГУ руу “Гүүр”-ээ тавьж чадсан гэдгийг онцлоод TRAM төслийн экспортын кластерийг хөгжүүлэх мэдлэг, төр, бизнесийн түншлэлийг идэвхжүүлэх чиглэлээр сайн туршлагыг үргэлжлүүлнэ гэв.

Монгол Улс дахь Европын Холбооны Төлөөлөгчийн газар, TRAM төслийн баг, төслийн хамтрагчдад МХҮАҮТ-аас экспортын 4 кластерийн бүх гишүүд, хувийн хэвшлийн өмнөөс талархлаа илэрхийллээ.