МҮХАҮТ-ын дарга Т.Дүүрэн Холбооны Бүгд Найрамдах Герман Улсын Элчин сайдын яамны Дэд Тэргүүн, хатагтай Регина Рутенбергийг хүлээн авч уулзлаа

2021/06/14 0

УИХ-ын даргын дэргэд Худалдаа, аж үйлдвэрийн зөвлөл ажиллахаар болсон төдийгүй Засгийн газраас зарласан Эдийн засгийг эрчимжүүлэх, тэргүүлэх 100 төслөөс тодорхой төслүүдийг МҮХАҮТ-ыг түшиглэн Төсөл, менежмент, гүйцэтгэлийн хамтарсан компани байгуулан хэрэгжүүлэх боломжтой гэж үзэж байгаа билээ. Энэ хүрээнд Герман улстай технологи, инженерингийн чиглэлд хамтран ажиллах талаар ярилцлаа.

Уулзалтын эхэнд МҮХАҮТ-ын дарга Т.Дүүрэн Монгол-Германы эдийн засгийн харилцаа хангалттай түвшинд хүрээгүйг дурдаад Нүүрс угаах үйлдвэр болон зэс хайлуулах үйлдвэрүүдэд Германы сайн чанарын техник, технологийг ашиглах, ХБНГУ-ын Засгийн газраас авч хэрэгжүүлж байгаа арга хэмжээний талаар санал солилцов.

Түүнчлэн уул уурхайн бус экспортын тогтолцоог бий болгох хүрээнд МҮХАҮТ-ын дэмжлэгтэйгээр самрын Кластер байгуулагдсан бөгөөд Европын улсууд руу ямар нэгэн дундын зуучлагчгүйгээр шууд экспортлох боломжуудын талаар ярилцаж, цаашид илүү нарийвчилсан төлөвлөгөө гарган, хамтран ажиллахаар тохиролцлоо.