НҮБ-ын Хүнс, хөдөө аж ахуйн байгууллагын Монгол дахь Суурин төлөөлөгч Винод Ахужа, Азийн Хөгжлийн Банкны Монгол дахь Суурин төлөөлөгч Павит Рамачандран нарыг хүлээн авч уулзлаа

2021/06/02 0

Монголын Үндэсний Худалдаа Аж Үйлдвэрийн Танхимын Ерөнхийлөгч О.Амартүвшин НҮБ-ын Хүнс, хөдөө аж ахуйн байгууллагын Монгол дахь Суурин төлөөлөгч Винод Ахужа, Азийн Хөгжлийн Банкны Монгол дахь Суурин төлөөлөгч Павит Рамачандран нарыг хүлээн авч уулзлаа.

НҮБ-ын Ерөнхий нарийн бичгийн даргын ивээл дор 2021 оны намар зохион байгуулагдах НҮБ-ын Хүнсний тогтолцооны асуудлаарх дээд хэмжээний чуулга (UN Food Systems Summit - уулзалтыг угтаж, Монгол Улс НҮБ-ын гишүүн улсын хувьд үндэсний хүнсний тогтвортой тогтолцоогоо бүрдүүлэх арга замыг тодорхойлох зорилгоор бүсийн хэлэлцүүлгүүдийг зохион байгуулж байгаа. Уг хэлэлцүүлэг хуралдаанууд нь МУ-ын Ерөнхий сайдын ивээл дор хийгдэж буй юм.

Монгол орны хүнсний тогтолцооны тогтвортой байдал –үндэсний хэмжээний хэлэлцүүлгийг 6 сарын 15нд зохион байгуулахаар товлоод байгаа бөгөөд хувийн хэвшлийн бие даасан хэлэлцүүлгийг МҮХАҮТ, НҮБ-ын Хүнс, хөдөө аж ахуйн байгууллага болон Азийн Хөгжлийн Банкны Монгол дахь Суурин төлөөлөгчийн газар хамтран зохион байгуулах юм. Тус хэлэлцүүлгээр хүнсний тогтолцооны тогтвортой байдлыг хангахад тохиромжтой гарц, гаргалгаа, бизнес эрхлэгч, үйлдвэрлэгч нарт ямар шийдлүүд хэрэгтэй зэрэг дээр ярилцан санал солилцон, тодорхой саналуудыг Үндэсний хэлэлцүүлэг болон шийдвэр гаргагчдын түвшинд хүргүүлэх зорилготой юм.