МҮХАҮТ-ын 21 аймгийн салбар танхим, танхимын ажилтнууд Бизнесийн ёс зүйн сургалтад хамрагдлаа
МҮХАҮТ, "Транспэрэнси Интернэшнл" болон "Рио Тинто Монгол" ХХК-ийн хамтран хэрэгжүүлж буй “Бизнесийн ёс зүй, шударга байдлыг бэхжүүлэх төсөл”-ийн хүрээнд Бизнесийн ёс зүйн төвөөс МҮХАҮТ-ын ажилтан, 21 аймгийн салбар танхимын ажилтнуудад зориулан Бизнесийн ёс зүйн төвийн танилцуулга, бизнесийн ёс зүй ба хариуцлагатай бизнесийн үндсэн ойлголт, бизнесийн шударга байдал гэж юу болох, олон улсын стандарт, олон улсын чиг хандлагын талаар сургалт зохион байгууллаа.
Бизнесийн орчин дахь авлигын тархалтыг зогсооход хувийн хэвшлийнхэн хамтарч, “Авлигатай тэмцэх үндэсний хөтөлбөр”-ийн хүрээнд хэрэгжих төсөл, хөтөлбөрүүдэд дэмжлэг үзүүлэх замаар, урт хугацаанд бизнесийн ёс зүй, шударга байдлыг бэхжүүлэхэд дээрх төслийн зорилго оршиж байгаа юм. Төслийг хэрэгжүүлэх үндсэн нэгж нь МҮХАҮТ-ын дэргэдэх "Бизнесийн ёс зүйн төв" юм.
