Орон нутагт хэрэгжүүлэх туршилтын төслийг 21 аймгийн салбар Танхимуудад танилцууллаа
Японы Олон Улсын Хамтын Ажиллагааны Байгууллага (ЖАЙКА) , ХХААХҮЯ, ҮХГ-тай хамтран Монгол Улсын хөдөө аж ахуйн салбарын тогтвортой хөгжлийг дэмжих MONMAP – “Монгол Улсын Хөдөө аж ахуйн салбарын нэмүү өртгийн сүлжээний мастер төлөвлөгөө боловсруулах төсөл”-ийг хэрэгжүүлж байна.
МҮХАҮТ нь уг төслийн хүрээнд зөгийн балны кластер байгуулах, орон нутагт хөдөө аж ахуйн салбарын бүтээгдэхүүнийг дэмжих туршилтын төсөл хэрэгжүүлэх хоёр чиглэлээр ЖАЙКА-тай хамтран ажиллаж байгаа бөгөөд төслийн хүрээнд орон нутагт хэрэгжүүлэх туршилтын төслийг 21 аймгийн салбар Танхимуудад танилцуулах арга хэмжээг өнөөдөр зохион байгууллаа.
Орон нутгийн онцлог бүхий ХАА-н салбарын бүтээгдэхүүнийг дэмжсэн хоёр туршилтын төслийг МҮХАҮТ-ын 21 салбар Танхимаар дамжуулан хэрэгжүүлэх бөгөөд төслөөс 1 туршилтын үйл ажиллагаанд 20,000 ам.доллар хүртэлх санхүүжилтийг олгох юм.