МҮХАҮТ-ын дэргэдэх Аялал жуулчлалын зөвлөлийн хурал боллоо
Аялал жуулчлалын зөвлөлийн ээлжит хурлаар гаднын орнуудад зохион байгуулагдах үзэсгэлэн, МҮХАҮТ-аас олгодог Ногоон буудал, эко шошгын талаар танилцууллаа. Мөн зөвлөлийн ажлын төлөвлөгөөнд санал авч, тэргүүлэгч гишүүдээ сонгов.
Ногоон буудал эко шошгыг 14 шалгуур үзүүлэлтийг хангасан байгууллагад олгодог бөгөөд шошгыг авснаар аялал жуулчлалын чухал маркетинг, гаднын жуулчдын сонголтоо хийдэг гол трэнд болдог талаар гишүүд онцолсон юм. Энэхүү шошго олгох журмыг шинэчлэх, сайжруулах, ач холбогдлыг олон нийтэд таниулах чиг үүрэг бүхий ажлын хэсэг байгуулагдахаар тогтлоо.
Ковид-19 цар тахлаас шалтгаалан үйл ажиллагаа нь зогссоны улмаас үүссэн санхүүгийн хүндрэл хямралыг хамтын хүчээр даван туулах шаардлагатай бөгөөд дэмжлэг үзүүлэх чиглэлд бусад харилцагч бизнесийн салбаруудад уриалга гаргах, мөн аялал жуулчлалын бүтээгдэхүүний өртгийг бууруулах чиглэлд салбарын бизнес эрхлэгчид хамтран ажиллах санал гарлаа.
