Монгол-Кубын эрүүл мэнд, биотехнологийн салбарын цахим уулзалт боллоо

2021/05/14 0

Монголын Үндэсний Худалдаа Аж Үйлдвэрийн Танхим, Бүгд Найрамдах Куба Улсын Худалдааны танхимтай хамтран, Монгол Улсаас БНКуба Улсад суугаа ЭСЯ, БНКуба Улсаас Монгол Улсад суугаа ЭСЯ-ны дэмжлэгтэйгээр Монгол-Кубын Эрүүл мэнд, биотехнологийн салбарын анхдугаар цахим бизнес уулзалтыг зохион байгууллаа.

Уг уулзалтад Кубын эрүүл мэнд, биотехнологийн салбарын томоохон төлөөллүүд болох “Biocubafarma”, “Labiofam”, “CIGB”, “Cuban medical services” зэрэг компаниуд оролцсон бол Монголын талаас 18 аж ахуйн нэгж оролцов.

Цахим уулзалтын үеэр Кубын компаниуд үйл ажиллагааны үндсэн чиглэл, бүтээгдэхүүн үйлчилгээгээ танилцуулж, Монголын талаас сонирхсон асуултууддаа хариулт авч, цаашид хамтран ажиллах сонирхолтой байгаагаа илэрхийллээ.