МҮХАҮТ-ын дэргэдэх Компанийн нийгмийн хариуцлагын зөвлөл ээлжит хурлаа цахимаар зохион байгууллаа
Уулзалтын үеэр зөвлөлийн дарга Ж.Сүнжидмаа "Компанийн нийгмийн хариуцлагын чиг хандлага: Олон улс болон Монгол Улсад" танилцуулга хийлээ.
Мөн зөвлөлийн гишүүд нийгмийн хариуцлагын хүрээнд үйл ажиллагаагаа уялдуулах, хамтран ажиллах боломжийг эрэлхийлэх зорилгоор гишүүдээс санал асуулга авсан бөгөөд уг асуулгын үр дүнг Зөвлөлийн нарийн бичиг Б.Цэрэннадмид танилцуулав.
Зөвлөлийн гишүүд нийгэмд хамтын үнэ цэнийг бүтээх, компаниудын Компанийн нийгмийн хариуцлагын хүрээн дэх хамтын ажиллагааны чиглэлийг сонгох, ойрын хугацаанд зөвлөлөөс хийх ажлын талаар санал солилцлоо.
Хуралд "Хаан банк", "Рио Тинто Монгол" ХХК, "Петровис" ХХК, "Эрдэнэс Монгол" ХХК, "Ханбогд кашимер" ХХК, "Макс" групп, "Ремакс" сан, "Дэлхийн Зөн" ОУБ-ын төлөөлөл оролцов.
Та тус зөвлөлд нэгдэж оролцох сонирхолтой бол дараах хаягаар холбогдоно уу.
Утас: 99164719
Цахим шуудан: project@mongolchamber.mn
