“Олон улсын өсвөрийн энтрепренеруудын уралдаан 2021”-ийн ялагчид тодорлоо

Хүүхдийг Ивээх сан, “Хөгжлийн шийдэл” ТББ, Монголын Үндэсний Худалдаа Аж Үйлдвэрийн Танхим, Нийслэлийн Шинжлэх ухаан, үйлдвэрлэл, инновацын газар хамтран зохион байгуулсан 5 дах удаагийн “Global Youth Entrepreneurship Challenge” (GYEC) буюу Олон Улсын Өсвөрийн энтрепренерүүдийн уралдаан 4 дүгээр сарын 26-нд дүнгээ гаргаж, ялагчдаа тодрууллаа.

Багууд өөрсдийн санал болгож буй бизнесээр дамжуулан Ковид-19 халдварын үед хүн амын эрүүл мэндийн асуудлыг хэрхэн хамгаалж болох талаар даалгаврыг биелүүлж, бизнес төлөвлөгөө, бизнесийнхээ танилцуулгыг бэлтгэж өрсөлдөв.

Үндэсний болон олон улсын гэсэн 2 төрлөөр Монгол, Англи хэлээр явагдсан шалгаруулалтад дараах багууд бусдыгаа тэргүүллээ.

“Үндэсний өсвөрийн энтрепренерүүдийн уралдаан”-д (Монгол хэлээр):

• Ялагч: ALTERNATIVE баг (Томужин альтернатив сургуулийн сурагчид)
• II байр: BUD POWER баг (44-р сургуулийн сурагчид)
• III байр: COGNOSCENTI баг (Хобби сургуулийн сурагчид)

Харин Англи хэлээр олон улсын уралдаанд оролцох эрхийн төлөө өрсөлдсөн 12 багаас дараахь 3 баг тэргүүлж, Япон улсын Токио хотноо 5 дугаар сарын 29-нд болох олон улсын уралдаанд орох эрхээ авлаа.

• Ялагч: THE BRIDGE баг (Сант болон Орчлон сургуулийн сурагчид)
• II байр: MONSAMURAI TECHNOLOGIES баг (1, 11, 84, 76, Орчлон, Шинэ Монгол Косен, Бритиш Скүл сурагчид)
• III байр: FOCUS баг (44-р сургуулийн сурагчид)

Өмнөх 4 жилийн хугацаанд Улаанбаатар хотын хэмжээнд зөвхөн англи хэлээр зохион байгуулагдаж байсан тус тэмцээн энэ жил анх удаа Монгол Улсын хэмжээнд монгол хэлээр явагдсан юм. Энэ жилийн уралдаанд Баян-Өлгий аймгийн САНА баг, Өвөрхангай аймгийн Баян-Өндөр сумын Future Star баг, Төв аймгийн Зуунмод хотоос Growth баг, Завхан аймгийн Түдэвтэй сумаас “Хөгжлийг бүтээгчид” багууд амжилттай оролцлоо.