(+976) 7727-7070
info@mongolchamber.mn
08:30 - 17:30
Ажлын цаг

Ноолуурын салбарын санхүүжилтиийн асуудлаар цахим уулзалт хийлээ

2021/04/15 0

МҮХАҮТ-аас ноолуурын салбарын хөнгөлөлттэй зээлийн санхүүжилтийн асуудлаар төр-хувийн хэвшлийн цахим уулзалтыг зохион байгууллаа. Уулзалтад Сангийн яам, ХХААХҮЯ, Монголбанк, Монгол Улсын Хөгжлийн банк, МҮХАҮТ-ын дэргэдэх Ноос, ноолуурын зөвлөлийн гишүүд, гол арилжааны банкуудын төлөөлөл нийт 80 гаруй оролцогчид оролцож зээлийн санхүүжилтийг нэн яаралтай тодорхой болгох асуудлаар санал солилцов.

2021 онд ноолуурын салбарыг дэмжих зориулалттай зээлийн нөхцөл, аж ахуйн нэгжүүдэд тавигдах шаардлагыг тодорхой болгож, зээлийг цаг алдалгүй олгох нь маш чухал байгааг уулзалтын эхэнд МҮХАҮТ-ын Ерөнхийлөгч О.Амартүвшин онцоллоо. Ноолуурын бэлтгэл үе эхэлсэн байхад санхүүжилтийн асуудал одоог хүртэл шийдэгдээгүй, хугацаа алдаж байгаа нь тус салбарынхны гол тулгамдсан асуудал болоод байна.

Сангийн яамны Санхүүгийн бодлогын газрын дарга Н.Мандуул “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөнд "Хөдөө аж ахуйг дэмжих" 500 тэрбум төгрөгийн зээлийн хөтөлбөр багтсан. Үүнээс хаврын ноолуур бэлтгэлийн ажилд зориулж 200 тэрбум төгрөгийн зээлийг гурван хувийн хүүтэй олгохоор шийдвэрлэсэн. Энэ зээлийг арилжааны банкуудаар дамжуулан олгоно гэв.

Ноолуур бэлтгэх аж ахуйн нэгж, ноолуурын үйлдвэрүүдэд хөнгөлөлттэй зээлийг олгохдоо самнахаас дээш гүн боловсруулалт хийдэг аж ахуйн нэгжүүдэд олгохоор шийдвэрлэсэн, одоо гэрээний загвар дээрээ ажиллаж байна гэж ХХААХҮЯ-ны Хөнгөн үйлдвэрийн бодлогын хэрэгжилтийг зохицуулах газрын дарга М.Дондогдорж мэдээллээ.

Цахим уулзалтын үеэр ажлын байрыг дэмжих зээлийн хэрэгжилтийн талаар Монголбанкны Банкны бүтцийн өөрчлөлт, бодлогын газрын захирал Н.Ариунбат танилцууллаа. Энэ оны 3 дугаар сарын 10-наас 4 дүгээр сарын 14-ний өдрийн байдлаар 7645 зээлдэгчид 543.4 тэрбум төгрөгийн зээлийг олгосон байна. Түүнчлэн уулзалтад оролцсон арилжааны банкны төлөөллүүд өнгөрсөн онд ноолуурын салбарт олгогдсон зээлийн шалгуурт самнахаас дээш үйлдвэрлэл явуулдаг аж ахуйн нэгжүүдэд олгох заалт байгаагүйгээс салбарын үйлдвэрлэгч бус хүмүүс зээлд хамрагдсан нь зарим талаар эргээд зээлийн хугацаа хэтрэлт үүсгэж байгааг хэлж байлаа.

Цаашид ноолуур бэлтгэлийн ажилд зориулсан зээлийн нөхцөл, эргэн төлөлтийг сайжруулахын тулд зээлийн шалгуураа зорилтот бүлэгтээ чиглүүлэх, үйлдвэрлэл явуулж буй аж ахуйн нэгжүүдийн эргэлтийн хөрөнгөд зориулан гаргах, хугацааг нь нэг жилээр бус 2-3 жил болгох тухай талууд ярилцав. Жил бүрийн хаврын ноолуур бэлтгэлийн үетэй давхцаад санхүүжилтийн асуудал яригддаг. Үүнийг эртнээс ярилцаж, нэг нэг жилээр бус дунд хугацаанд бодлогоо тогтвортой байлгаж, санхүүжилтийг тодорхой болгох шаардлагатай байгааг МҮХАҮТ-ын дэргэдэх Ноос, ноолуурын зөвлөлийн дарга Б.Ариунаа онцолж байлаа. Мөн гурвалсан гэрээ байгуулах гэсээр хугацаа алддаг учраас бодлогын яамтайгаа стратегийн гэрээ байгуулж, бизнесийн тогтвортой хөгжлийг хангах зэрэг саналуудыг аж ахуйн нэгжийн төлөөллүүд энэ үеэр тавилаа.

Уулзалтын дүнд зээлийн гэрээний загварыг яаралтай баталж, санхүүжилтийг ойрын хугацаанд шийдвэрлэх талаар нэгдсэн ойлголтод хүрлээ. Цаашид санхүүжилтийн бодлогыг тогтвортой байлгах үүднээс зээлийн асуудлыг хаврын ноолуур бэлтгэлийн үед тавих бус өмнөх хугацаанд шийдвэрлэн, ноолуур бэлтгэлийн үеэр зээл олголт эхлэх шаардлагатай байгаатай талууд санал нэгдэв.

Сүүлд нэмэгдсэн мэдээ
"Цар тахлын үеийн бизнесийн нөхцөл байдал ба сургамж" танилцуулга хийлээ
2022/10/04
МҮХАҮТ-ын 2022 оны 9 дүгээр сарын Мэдээллийн товхимолтой танилцана уу
2022/10/04
Монгол, ОХУ, БНХАУ-ын ХАҮТ-уудын Худалдаа, Эдийн Засгийн XVI Нэгдсэн Чуулган болно
2022/10/03
“Монголын Худалдааны Төв” Хөх Хотын гаалийн чөлөөт бүсэд байгуулагдана
2022/10/03
"Улаанбаатар Экспо" төслийг БНХАУ-ын Экспорт, Импортын Банк санхүүжүүлнэ
2022/10/03
“Монгол Улсын Төсвийн бодлогын шинэчлэл” уулзалт боллоо
2022/09/30
ЖАЙКА-гийн Монгол дахь Төлөөлөгчийн газрын төлөөлөлтэй уулзлаа
2022/09/29
Улсын Их Хурлын дарга Г.Занданшатар, Төсвийн байнгын хорооны дарга Г.Тэмүүлэн нар МҮХАҮТ-ын удирдлага болон бизнес эрхлэгчдийн төлөөлөлтэй уулзлаа
2022/09/28
“Зүүн бүсийн брэнд бүтээгдэхүүн, экспортын чиг хандлага” сэдэвт бүсийн чуулган болж байна
2022/09/28
"CEO RADAR" арга хэмжээний үеэр Бизнесийн ёс зүйн төвийн үйл ажиллагааг танилцууллаа
2022/09/28
Ерөнхийлөгч О.Амартүвшин ОХУ-ын худалдааны төлөөлөгч Максим Васильевыг хүлээн авч уулзлаа
2022/09/28
Цар тахлын дараах бизнесийн нөхцөл байдлын судалгааны тайлан
2022/09/27
О.Амартүвшин: Хамтдаа тулгарч буй асуудлаа ярилцаж, шийдэлд хүрэх нь өнөө илүү оновчтой
2022/09/27
ОХУ-ын Бүгд Найрамдах Саха (Якутын) Хөрөнгө оруулалт татах, экспортыг дэмжих төвтэй Санамж бичиг байгууллаа
2022/09/27
Словак-Монголын танхимтай хамтын ажиллагааны харилцан ойлголцлын санамж бичиг байгууллаа
2022/09/27
"CEO RADAR"-т 300 манлайлагч нэгдлээ
2022/09/27
"Улаанбаатар түншлэл-2022" олон улсын үзэсгэлэн амжилттай зохион байгуулагдаж өндөрлөлөө
2022/09/27
Бизнес эрхлэгчдэд ажлын байраа тэлэх боломжийг олгож, хөдөлмөр эрхлэлтийг дэмжих шаардлагатай байна
2022/09/26
Газар зүйн заалтыг хөгжүүлэхэд хувийн хэвшлийн оролцоо, санаачлага чухал
2022/09/26
"Ханбогд кашмер" Миланд болсон "Emerging Talents Milan 2022" загварын шоунд амжилттай оролцлоо
2022/09/26