(+976) 7727-7070
info@mongolchamber.mn
08:30 - 17:30
Ажлын цаг

МҮХАҮТ, БНАСАУ-ын ХАҮТ-тай хамтын ажиллагааны санамж бичиг байгууллаа

2021/04/09 0

МҮХАҮТ-ын Ерөнхийлөгч О.Амартүвшин БНАСУ-ын ХАҮТ-тай хамтын ажиллагааны харилцан ойлголцлын санамж бичигт гарын үсэг зурлаа. Санамж бичиг зурах  арга хэмжээнд БНАСУ-ын ХАҮТ-ыг төлөөлөн БНАСАУ-ын Элчин сайдын яамны 3 дугаар нарийн бичгийн дарга Ри Гүн Сан, Эдийн засаг, худалдааны зөвлөх Хан Жө Гю нар оролцлоо. Энэ үеэр цаашид хил нээгдсэний дараа бизнес эрхлэгчдийн төлөөллийг бизнес аялалд хамруулах, түүнчлэн эдийн засгийн гадаад хамтын ажиллагаа болон аялал жуулчлалыг хөгжүүлэх боломжуудын талаар МҮХАҮТ-ын Ерөнхийлөгч О.Амартүвшин онцлов.

Санамж бичгийн хүрээнд хоёр орны ХАҮТ Монгол Улс болон БНАСУ хоорондын худалдаа, эдийн засаг, технологийн хамтын ажиллагаа болон бизнесийн харилцааг сурталчлах, бэхжүүлэх, өргөжүүлэхээр ажиллах юм. Мөн хоёр орны ААН-ийн хооронд хөрөнгө оруулалт, аж үйлдвэрлэл болон гэрээт хамтын ажиллагааг дэмжих, сурталчлахад хамтран ажиллана.