10 их наяд цогц төлөвлөгөөнд хяналт тавих олон нийтийн зөвлөлийн анхны хурал боллоо

2021/04/08 1

“Эрүүл мэндээ хамгаалж Эдийн засгаа сэргээх 10 их наядын цогц төлөвлөгөө”-ний хэрэгжилтэд хяналт тавих Олон нийтийн хяналтын зөвлөлийг МҮХАҮТ-ын дарга Т.Дүүрэн ахалж байна.

Тус зөвлөлд олон нийтийн байгууллага, мэргэжлийн холбоод, сэтгүүлчдийн төлөөлөл багтсан бөгөөд Ажлын байрыг дэмжих зээлийн хэрэгжилтэд олон нийтийг төлөөлж хяналт тавих, төлөвлөгөөний хэрэгжилтийн явцын мэдээ, мэдээлэлтэй танилцаж, санал солилцох зорилготой ажиллах юм.

Олон нийтийн хяналтын зөвлөлийн анхны хурал 2021 оны 4 дүгээр сарын 7-ны өдөр болж, Монгол банкны Тэргүүн дэд ерөнхийлөгч Б.Дөлгөөн, Сангийн яамны Санхүүгийн бодлогын газрын дарга Н.Мандуул нар зээл олголтын явцын талаар зөвлөлийн гишүүдэд танилцууллаа. Иргэд, олон нийтийн зүгээс 10 их наядын зээл олголттой холбоотой гомдол, мэдээллийг тус зөвлөлд уламжлах боломжтой юм.