МҮХАҮТ-ын дэргэдэх Худалдааг хөнгөвчлөх, тээвэр логистикийн зөвлөл хуралдлаа

Тус хурлаар зөвлөлийн үйл ажиллагааны товч тайлан, 2021 оны үйл ажиллагааны төлөвлөгөөний төслийг хэлэлцлээ.

Коронавирусийн тархалтаас шалтгаалж хилийн боомтуудыг хаасантай холбоотой ачаа тээврийн асуудлаар УОК, ЗТХЯ-ны холбогдох албаныхантай уулзаж цаашид хилийн боомтуудад тулгамдаж буй асуудлыг Засгийн газарт тавихаар болжээ.

Зарим төрлийн экспорт, импортын бүтээгдэхүүнд БНХАУ-ын талаас тавигддаг хориг, саад, бэрхшээлүүдийг нэгтгэн, зохих байгууллагуудад уламжлах, тээвэр логистикийн салбарын гадаад үйлчилгээний НӨАТ-ын асуудлыг холбогдох байгууллагуудад хүргүүлж, шийдэл гаргуулах ажлуудыг зохион байгуулахаар төлөвлөжээ.

Мөн зөвлөлийн бүтцийн зураглал гаргахаар тогтлоо.

Өнгөрсөн хугацаанд Худалдааг хөнгөвчлөх, тээвэр логистикийн салбарын хөгжилд төр-хувийн хэвшлийн оролцоо уулзалт хэлэлцүүлэг, Гааль-бизнесийн түншлэл уулзалт, Далайд гарцгүй Монгол Улсын тээвэр, логистикийн өнөөгийн байдал, сайжруулах боломж зэрэг хэд хэдэн томоохон уулзалт, хэлэлцүүлгийг зохион байгуулж, оролцжээ.