Цар тахлын эрсдэлээс хамтдаа сэргийлье

2021/03/30 0

Соёлын сайд Ч.Номингоор ахлуулсан ажлын хэсэг (3 дугаар сарын 29-нд) Улсын Дуурь Бүжгийн Эрдмийн театрт ажиллаж, халдвар, хамгааллын дэглэмийг сахиулах түр журмыг мөрдөхөд ямар хүндрэл, бэрхшээл тулгарч байгаатай танилцаж, санал солилцов.

Ажлын хэсгийн бүрэлдэхүүнд МХЕГ-ын дарга Т.Гантулга болон албаны бусад хүмүүс, МҮХАҮТ-ын Үзэсгэлэн, яармагийн газрын дарга Ч.Баттулга багтлаа.

Нийслэлийн Онцгой Комиссын шийдвэрийн дагуу 2021 оны 3 дугаар сарын 9-ний өдрөөс тус театрын нийт 285 ажилтнаас 30 хувь нь буюу 85 уран бүтээлч халдвар хамгааллын дэглэм баримтлан ажиллаж байна.

Өнөөдөр тус ажлын хэсэг Чойжин ламын музейд ажиллав. Музейн нийт 20 ажилтан, албан хаагчдын 30 хувь буюу 6 ажилтан халдвар хамгааллын дэглэм баримтлан ажиллаж байна. Чойжин ламын сүм музейн зүгээс музейн бүх үзмэртээ гурван удаагийн ариутгалыг хийжээ. Мөн музей үзэхээр ирж байгаа иргэдэд музейн тайлбарыг аудио хэлбэрээр хүргэж байна.

Халдвар хамгааллын дэглэмээ чанд сахиж, амны хаалтаа тогтмол зүүхийг уриалж байна.