МҮХАҮТ-д 1000 ширхэг амны хаалт хандивлалаа
Дэлхий нийтийг хамарсан цар тахлын хүнд цаг үед нийгмийн хариуцлагынхаа хүрээнд “Once auto mongolia” ХХК-аас МҮХАҮТ-ын үйл ажиллагааг дэмжин, БНСУ-д үйлдвэрлэсэн, KF94 дөрвөн давхар шүүлтүүртэй 72 цаг зүүх боломжтой 1000 ширхэг амны хаалт хандивлалаа.
Тус компанийн захирал Шин Хён Хаг МҮХАҮТ-ын Тамгын дарга Б.Батболдод амны хаалтыг хүлээлгэн өгөх үеэрээ цаашид танхимын гишүүн байгууллагаар элсэх хүсэлтээ илэрхийллээ.
МҮХАҮТ-ын зүгээс үйл ажиллагаагаа танилцуулж, www.trademongolia.mn цахим хуудсанд гишүүн байгууллагуудын үйл ажиллагааны үндсэн чиглэл, мэдээллүүд болон бараа бүтээгдэхүүнүүдийнх нь танилцуулгыг байршуулж байгаа талаар мэдээлэл өгч, хамтран ажиллах боломжуудын талаар ярилцав.
“Once auto mongolia” ХХК нь 2013 онд байгуулагдсан, гадаад худалдааны чиглэлээр үйл ажиллагаа явуулдаг компани юм.
Амны хаалтаа тогтмол зүүж, халдвар хамгааллын дэглэмээ чанд мөрдөхийг УРИАЛЖ байна.
