(+976) 7727-7070
info@mongolchamber.mn
08:30 - 17:30
Ажлын цаг

МҮХАҮТ, Засгийн газрын гишүүдийн ахалсан ажлын хэсэгтэй хамтран ажиллаж байна

2021/03/29 0

МҮХАҮТ-аас Засгийн газрын “Хатуу хөл хорио тогтоохгүйгээр иргэдийнхээ эрүүл мэнд, эдийн засгаа  хамгаалах” чиглэлийг дэмжин ажиллаж байгаа бөгөөд Аж ахуйн нэгж, байгууллагуудын халдвар хамгааллын дэглэм хэрхэн сахиж байгаад анхаарал хандуулж, хянан зөвлөх Засгийн газрын гишүүдийн ахалсан ажлын хэсэгт багтан, хамтран ажиллаж байна.

Хөдөлмөр, нийгмийн хамгааллын сайд А.Ариунзаяагийн ахалсан ажлын хэсэгт МҮХАҮТ-ын Захиргаа, хүний нөөцийн газрын дарга Н.Долгормаа ажиллаж, 2021 оны 3 дугаар сарын 28-ны ням гарагт Сандэй Плаза болон Шөнийн зах худалдааны төвүүдийн худалдаа эрхлэгчид болон үйлчлүүлэгчид халдвар хамгааллын дэглэмээ хэрхэн сахиж байгаатай танилцлаа.

Тус төвүүдээр өдөртөө 300-1000 иргэн үйлчлүүлдэг бөгөөд худалдааны төвүүд халдвар хамгааллын дэглэмээ зохих журмын дагуу сайтар сахиж байна. Ажлын хэсгийнхэн халдвар тархах эрсдэл “маш бага” гэж үнэлжээ.

Дээрх худалдааны төвүүдийн лангуу эзэмшигч, түрээслэгч нар коронавируст халдварын эсрэг дархлаажуулалтын эхний тундаа бүрэн хамрагдсан байна.