(+976) 7727-7070
info@mongolchamber.mn
08:30 - 17:30
Ажлын цаг

Хөдөө аж ахуйн тоног төхөөрөмжийн цахим үзэсгэлэн худалдаа нээлтээ хийлээ

2021/03/17 1

МҮХАҮТ, ХХААХҮЯам, Хөх Хот дахь Монгол Улсын Ерөнхий Консулын газар, БНХАУ-ын Жилин мужийн Худалдааны танхим хамтран зохион байгуулж байгаа хөдөө аж ахуйн тоног төхөөрөмжийн цахим үзэсгэлэн худалдаа өнөөдөр нээлтээ хийлээ.

Хятад, Монголын хөдөө аж ахуйн бизнес эрхлэгч нарт харилцан ашигтай хамтын ажиллагаа өрнүүлэх боломжийг олгож буй цахим үзэсгэлэн худалдаанд БНХАУ-ын Жилин Мужийн газар тариалан, хөдөө аж ахуйн тоног төхөөрөмж үйлдвэрлэгч 62 аж ахуйн нэгж оролцож, тоног төхөөрөмжөө танилцуулж байгаа бол Монголын талаас 100 гаруй хөдөө аж ахуйн бизнес эрхлэгч оролцож байна.

Үзэсгэлэнгийн үр дүнд БНХАУ-ын Жилин мужийн Худалдааны танхим, МҮХҮАТ, Жижиг дунд үйлдвэрийн газар хамтран гурвалсан Хамтын ажиллагааны санамж бичиг байгуулж, БНХАУ-ын банкнаас хөдөө аж ахуйн тоног төхөөрөмжүүдийг хөнгөлөлттэй нөхцөлөөр худалдан авах боломжийг бүрдүүлэхийг зорьж байна.

Хөдөө аж ахуйн тоног төхөөрөмжийн цахим үзэсгэлэн 14 хоногийн турш үргэлжлэх бөгөөд доорх хаягаар орж, тоног төхөөрөмжүүдийг үзэж сонирхоно уу.

Үзэсгэлэн үзэх

Холбогдох утас: 90006950, 88171901

сарантуяа
үртгэлийн хугацаа дууссан болохоор үзэж болохгүй юу.