МҮХАҮТ-ын дэргэдэх Ноос, ноолуурын зөвлөлийн ээлжит хурал боллоо

Тус хурлаар 2020 оны ажлын тайлан, энэ онд хийж гүйцэтгэх салбарын асуудлуудыг ярилцсан ба зөвлөлийн шинэ даргаар "Гоёл кашмир" ХХК-ийн үүсгэн байгуулагч, гүйцэтгэх захирал Б.Ариунаа сонгогдлоо.

МҮХАҮТ-ын дэргэдэх зөвлөлүүд нь тухайн салбарынхаа бизнес, эдийн засаг, хууль эрх зүйн орчныг сайжруулах, өмгөөлөх, нөлөөлөх, төр хувийн хэвшлийн хамтын ажиллагааг хөгжүүлэх, гишүүд хоорондын уялдаа холбоог сайжруулж мэдээ, мэдээллээр ханган ажилладаг. 

МҮХАҮТ-ын дэргэд 23 зөвлөл үйл ажиллагаа явуулж байгаагийн нэг нь Ноос, ноолуурын зөвлөл бөгөөд энэхүү зөвлөл нь 2019 онд хамтын шийдвэрийн үндсэн дээр байгуулагдан салбарын тулгамдсан асуудал, боломжит гарц, шийдлүүдийг санал болгон ажиллаж байгаа билээ. 

Түүнчлэн МҮХАҮТ-аас Монгол Улсын ноолуурын зах зээлийн 2020 оны төлөв байдлын судалгаа хийсэн ба судалгааны дүнд Засгийн газраас ноолуурын санхүүжилтийг олгохдоо босго үнэ тогтоож байсныг шийдвэрлүүлж чадсаныг Ерөнхийлөгч О.Амартүвшин онцоллоо.