Монгол улсын гадаад худалдааны мэдээллийн сантай танилцахыг урьж байна

Монгол Улсын Гадаад худалдааны мэдээллийн сан ашиглалтад орсноор Монгол Улсын худалдааны үйл ажиллагаа болон орчинг илүү ил тод, эрсдэлийг тооцоолох боломжтой болгож өгч байгаа юм.
Мэдээллийн санг хөгжүүлэн бий болгох ажлыг Гадаад харилцааны яам болон Гаалийн ерөнхий газар голлон удирдан явуулсан ба Дэлхийн Банк Группын техникийн туслалцаатайгаар гүйцэтгэсэн.
Энэхүү вебэд суурилсан мэдээллийн сан нь хил дамнасан худалдааны бүх талын мэдээллийг агуулсан эх сурвалж болж байна. Мэдээллийн санд нийт 15 төрийн яамд, агентлагуудын 400 гаруй хууль, дүрэм, журам болон маягтуудыг багтаасан байна.
Мэдээллийн сан нь худалдаа эрхлэгчдэд бараа бүтээгдэхүүн экспорт, импортлохтой холбоотой зохицуулалтыг даган мөрдөхөд илүү хялбар болгож өгч байна. Түүнчлэн одоо нүүрлээд байгаа Covid-19 цар тахал зэрэг хямралын үед худалдааг илүү хөнгөвчилж өгөх юм.
Та бүхэн www.mongoliatradeportal.gov.mn хаягаар зочилж дэлгэрэнгүй мэдээлэл авна уу.