Олон улсын худалдааны танхимаас /ICC/ зохион байгуулж буй “ Хэрхэн дэлхийг цааш хөдөлгөх вэ?” сэдэвт цахим арга хэмжээнд оролцохыг урьж байна
Коронавирусийн халдварын цар тахлын улмаас дэлхийн хэмжээнд хамгийн их хор хөнөөлийг хүртэж буй салбар бол яахын аргагүй аялал жуучлал билээ. Үүнтэй холбоотойгоор ямар нэгэн арга хэмжээ авахгүй бол 100-120 сая ажлын байр эрсдэлд орж дэлхийн дотоодын нийт бүтээгдэхүүн /ДНБ/ нь 1.2-2.2 их наяд ам.долларын хохирол учрахаар байна гэсэн урьдчилсан тооцоолол гарсан байна. Иймд Олон улсын худалдааны танхим нь аялал жуучлалын салбарын ажилгүйдэл, эдийн засгийн сөрөг нөлөөллөөс урьдчилан сэргийлэх зорилгоор тус салбарын холбоод, холбогдох ААН байгууллагуудыг тус хуралд нэгдэн хамтдаа энэ хүнд үеийг эрсдэлгүй бөгөөд үр ашигтайгаар даван туулах тухай хэлэлцэхийг урьж байна. Уулзалт 2020оны 10 дугаар сарын 22-ны өдөр 15:00-16:30 /төв европын цаг/ хооронд зохион байгуулагдана.
Уг хэлэлцүүлэгт нэгэнт бий болсон анхдагч технологийг ашиглан итгэлцлийг хэрхэн сэргээх, хил дамнасан томоохон туршилтын хэрэгжилтүүд, дэлхийн аялал жуулчлалын болон тус салбарын хамгийн сүүлийн үеийн ололт, хөгжлийн тухай хэлэлцэх болно.
Уулзалтын хөтөлбөр болон дэлгэрэнгүй мэдээллийг энд дарж үзнэ үү.