МҮХАҮТ үүсгэн байгуулагдсаны 60 жилийн ойг тохиолдуулан нэр бүхий хүмүүсийг төрийн дээд одон медалиар шагналаа
МҮХАҮТ үүсгэн байгуулагдсаны 60 жилийн ойг тохиолдуулан Монгол Улсын Ерөнхийлөгч Х.Баттулга зарлиг гарган улс орны нийгэм, эдийн засаг, хувийн хэвшлийн хөгжилд онцгой хувь нэмэр оруулсан нэр бүхий хүмүүсийг төрийн дээд одон медалиар шагналаа.
Энэхүү түүхт ойн тэмдэглэлт баяраар нийтдээ Хөдөлмөрийн баатар цолоор 3, салбарын гавьяат ажилтан цолоор 11, Хөдөлмөрийн Гавьяаны Улаан тугийн одонгоор 11, Алтангадас одонгоор 18, Хөдөлмөрийн хүндэт медалиар 29 хүн тус тус шагнуулав.
Монгол Улсын Хөдөлмөрийн баатар цолоор:
- “Монос” группийн ерөнхийлөгч Лувсангийн Хүрэлбаатар,
- “Жигүүр гранд” группийн ерөнхийлөгч Дашбалжирийн Баттөр,
- “Макс” группийн ерөнхийлөгч Дагвадоржийн Ганбаатар
Аж үйлдвэрийн гавьяат ажилтан цолоор:
- “Эрдэнэс тавантолгой” компанийн гүйцэтгэх захирал Б.Ганхуяг
- “Эрдэнэт” үйлдвэрийн ашиглалтын инженер Д.Адъяа
- “Витафит милк” компанийн захирал С.Болорсайхан
- "Ханбогд кашимер" компанийн ерөнхий захирал Ч.Ганцэцэг
- “ОБ Пластик” компанийн захирал Ж.Отгонбаяр
- “Жүр-Үр” компанийн дэд захирал Б.Мөнхзул
Худалдааны гавьяат ажилтан цолоор:
- “Моннидер” компанийн захирал Э.Алтанбагана
- "Түшиг" группийн ерөнхий захирал Г.Баттүшиг
- МҮХАҮТ-ын ерөнхийлөгчийн зөвлөх М.Оюунчимэг
- "БСБ сервис" компанийн ерөнхий захирал Б.Жаргалсайхан
Гавьяат барилгачин цолоор “Хурд” группийн барилгын даамал М.Хүрэлбаатар
Гавьяат нисгэгч цолоор "МИАТ" компанийн агаарын хөлгийн дарга Д.Баярсайхан нарыг тус тус шагналаа.
Хөдөлмөрийн гавьяаны улаан тугийн одонгоор:
- Монголын Үндэсний Худалдаа Аж Үйлдвэрийн Танхимын дарга Т. Дүүрэн
- “Эйр транс” ХХК-ий Ерөнхий захирал Т. Чулуунхүү нар хүртсэн байна.
Мөн түүнчлэн Говь ХХК-ийг Сүхбаатарын одонгоор шагналаа.
Ажил хөдөлмөр, амжилт бүтээлээ төрдөө үнэлүүлсэн бүх бизнес эрхлэгч, хувийн хэвшлийн төлөөллийнхөнд баяр хүргэж өндөр амжилт хүсье.