(+976) 7727-7070
info@mongolchamber.mn
08:30 - 17:30
Ажлын цаг

"Улаанбаатар Түншлэл-2020“ Олон улсын үзэсгэлэн 45 дахь жилдээ амжилттай зохион байгуулагдаж өндөрлөлөө

2020/09/27 0

"Улаанбаатар Түншлэл-2020“ Олон улсын үзэсгэлэн 45 дахь жилдээ Мишээл экспо төвд 9 дүгээр сарын 24-27-ны өдрүүдэд амжилттай зохион байгуулагдаж өндөрлөлөө.

Энэ удаагийн үзэсгэлэнд дотоодын нийт 110 гаруй ААН-үүд оролцож бараа бүтээгдэхүүнээ танилцуулсан юм. Үзэсгэлэнд оролцогчдын бараа бүтээгдэхүүнийг МҮХАҮТ, ХХААХҮЯ, НЗДТГ, НМХГ, СХЗГ, Улаанбаатар хотын худалдааны танхим нар хамтран нийт 10 номинацаар сонгон шалгаруулж шагналыг гардууллаа.

Үзэсгэлэнгийн шилдгээр:

  • Дээд шагнал гран-при цом, хүндэт өргөмжлөлөөр “Очир дагинас” ХХК
  • “Дэлхийд Өрсөлдөхүйц Монгол Брэнд”-ээр “Gem International” ХХК-ний “Домч Бор” нэрийн хунчирт ээлтэй бүтээгдэхүүн, Gem Draft 5 төрлийн цуврал бүтээгдэхүүн,
  • “Үлгэр жишээ байгууллага”-аар “Мах импэкс” ХК тус тус шалгарлаа.

Хүндэт өргөмжлөл цомоор:

  1. “Витафит милк” ххк-ийн “Vitafit пробиотик ундаа” “Онцлох шинэ бүтээгдэхүүн”-ээр
  2. “Мон крем” ххк-ийн “Маалай моолой” брэндийн монголдоо анхдагч хүүхдийн оо “Онцлох шинэ бүтээгдэхүүн”-ээр
  3. “Глобал трейдинг деволопмент” ххк-ийн “Nixoderm”, “Starbalm” брэндүүдийн цуврал бүтээгдэхүүнүүдийг “Шилдэг импортын бүтээгдэхүүн”-ээр
  4. “Кашмир саксесс” ххк-ийн “Zula ts” брэндийн ноолууран бүтээгдэхүүнийг “Экспортын онцлох бүтээгдэхүүн”-ээр
  5. “Сирм” ххк-ийн “Molly’s irish cream”, “Sandara” брэнд бүтээгдэхүүнүүдийг “Импортын шилдэг бүтээгдэхүүнээр”-р
  6. “Акватик” ххк-ийн “Nomuda home” брэндийн бүтээгдэхүүнүүдийг “Импортыг орлох шилдэг бүтээгдэхүүн”-ээр
  7. “Талх чихэр” хк-ийн “Хаан брэнд бургерийн талх” бүтээгдэхүүнийг “Олон улсын стандарт нэвтрүүлэгч”-ээр
  8. “Хөгжил трейд” ххк-ийн “Гипон” ариутгалын цуврал бүтээгдэхүүнийг “Орчин үеийн технологи нэвтрүүлэгч”-ээр тус тус шалгарууллаа.