Монгол-Сингапурын цахим бизнес хэлэлцүүлгийг зохион байгууллаа
Сингапур Монголын дипломат харилцаа үүссэний 50 жилийн ойн хүрээнд ГХЯ, Сингапур дахь Монгол Улсын ЭСЯ, Сингапур улсын бизнесийн холбоо, Үндэсний хөгжлийн газар болон МҮХАҮТ хамтран Монгол-Сингапурын цахим бизнес хэлэлцүүлгийг зохион байгууллаа.
Гадаад Харилцааны Яам “Орос, Монгол, Хятад гурван улсын эдийн засгийн коридор”, Үндэсний хөгжлийн газар “Монгол улсын бизнес орчны боломжууд” болон АНД Глобал "Финтек технологи"-н талаар танилцуулга хийлээ.
Хэлэлцүүлэгт ачаа тээвэр, логистик, боловсрол, бөөний худалдаа, хүнсний бүтээгдэхүүн экспортлогч, бөөний худалдаа, электроник инженерийн бүтээгдэхүүн зэрэг салбар салбарын 100 гаруй Сингапурын бизнес эрхлэгчид цахим хэлэлцүүлэгт оролцсон бол Монгол Улсаас нийт 30 гаруй бизнес эрхлэгчид оролцов.
Монгол Улсад Сингапурын нийт хөрөнгө оруулалттай 30 орчим ААН-үүд байгаагаас 63 хувь нь худалдаа, нийтийн хоолны салбарт, 6 хувь нь геологи, уул уурхайн эрэл хайгуул, олборлолтын салбарт, 3 хувь банк, санхүү, 14 хувь нь бусад салбарт харьяалагдаж байна.
