(+976) 7727-7070
info@mongolchamber.mn
08:30 - 17:30
Ажлын цаг

Олон улсын Нарны Эрчим хүчний чуулга уулзалтанд урьж байна

2020/09/03 0

Олон улсын Нарны Эрчим хүчний Холбоо (ISA) Дэлхийн анхны нарны технологийн чуулганыг 2020 оны 9-р сарын 8-ны Мягмар гарагт 19:00-00:00 (Монгол цагаар) хооронд цахим платформ хэлбэрээр зохион байгуулах гэж байна.

ISA нь 2015 оны 11-р сарын 30-ны өдөр Парис хотноо болсон НҮБ-ын уур амьсгалын өөрчлөлтийн үндсэн конвенцийн оролцогч талуудын бага хурлын (СОР-21) үеэр Энэтхэгийн Ерөнхий сайд, Францын Ерөнхийлөгч нарын санаачлагаар байгуулагдсан Олон улсын Засгийн газар хоорондын байгууллага юм. Нарны эрчим хүчийг технологи, санхүү, чадавхийн хувьд өргөн ашиглахад тулгарч буй гол бэрхшээлүүдийг хамтын хүчээр арилгах зорилгоор ISA нь улс орнуудыг нэгтгэн ажиллаж байна. 
Дэлхийн нарны технологийн анхны чуулга уулзалтаар ISA нь төрийн, төрийн бус, хувийн хэвшлийн гол оролцогч талууд, шинийг санаачлагчдыг нэгтгэж нарны эрчим хүчний салбарын сүүлийн үеийн хөгжил, түүнтэй холбоотой зах зээлийн чиг хандлагын талаар ярилцаж хэлэлцэхийг зорьж байгаа юм. Энэхүү дээд хэмжээний чуулга уулзалтын гол зорилго нь улс орнуудад нүүрстөрөгчгүйжүүлсэн сүлжээнд шилжих, SDG7-т хүрэх, нарны бусад аппликэйшний хэрэглээг дэмжихэд туслах орчин үеийн нарны технологийг таниулах явдал юм. 

Монгол Улсын Ерөнхийлөгч Х.Баттулга нь 2019 оны 9 дүгээр сард Энэтхэг улсад айлчлах үеэр Монгол улс сэргээгдэх эрчим хүчийг дэмжих зорилгоор Олон улсын Нарны Эрчим хүчний Холбоо (ISA)-нд элсэх талаар авч үзэхээр тохиролцсон билээ. 

Чуулга уулзалтанд Энэтхэг улсын засгийн газар болон ОУ-ын Нарны Эрчим хүчний холбооны гишүүн хэд хэдэн орны хүндэт сайд нар, Нобелийн шагналтнууд, Дэлхийн технологийн компаниудын гүйцэтгэх захирлууд, академчид, инноваторууд, Дэлхийн өнцөг булан бүрийн судалгааны мэргэжилтэнүүд оролцоно.

Бүртгэл: Тус бүртгэлээр Чуулга, уулзалтын хөтөлбөр шинэчлэлт, онлайн линкыг Танд илгээнэ.

Иймд Дэлхийн Нарны Технологийн цахим чуулга уулзалт (WSTS)-д Та бүхнийг оролцоно гэдэгт итгэж байна.