Чөлөөт зах зээлийн түүхийг хамтдаа бичилцэхийг урьж байна

2020/07/09 0

МҮХАҮТ-ын 60 жилийн ойд зориулсан номын төсөл

ТӨСЛИЙН ЗОРИЛГО:
Манай хувийн хэвшлийнхэн Монголын эдийн засагт тэргүүлэх үүрэг гүйцэтгэж, манлайлагч хүч болж, ачааны хүндийг нэр төртэй үүрч яваа. Баялаг бүтээгчид маань Монголчууд хэрэглэгч биш үйлдвэрлэгч орон гэдгээ харуулах эхлэлийг амжилттай тавьчихаад явж байна. Энэ түүх цаашид ч улам зузаарна.

Монгол Улс чөлөөт эдийн засагт шилжин, үндэсний баялаг бүтээгчид төрсөн 30 жил гэдэг бол их хугацаа. Та бүгдийн алдаа оноо, амжилт ололтыг шингээсэн энэ ном бол түүхэн ном байх болно.

Яг одоо бол та бүгд бизнеэсээ амжилттай эрхэлж, Монгол Улсын ТОП-100 болон үндэсний хэмжээний томоохон компанийн нэг болсон байна. Харин тэрхүү амжилт, бизнесийн алтан үе, оргил цагийн түүхээ зөвхөн өөртөө хадгалаад явж байна. Энэ бол сайхан хэрэг. Гэхдээ цаг хугацаа гэдэг асар хурдан өнгөрнө. Дахиад 40-50 жил өнгөрөхөд Таны компани өвлөгдөн үлдэж, шинэ цаг үеийнхэн компани хэрхэн үүсч, ямар хүнд бэрхийг, ямархуу бэрхшээлийг туулан өдий хүрсэн бэ гэдгийг мэдэхгүй өнгөрнө гэдэг гунигтай хэрэг билээ.

Амжилт ололтын түүхээ одоо, Монголд бизнесийн цоо шинэ орчин бий болсон 30 жил дээр бичээд үлдээнэ гэдэг бол Таны өөрийнхөө, гэр бүлийнхээ, улс орондоо, ирээдүйд бизнес эрхлэх мянга мянган залуучуудын өмнө хувь хүний, амжилттай бизнесмен хүний цаг үедээ хийх ажлын нэг болох юм.

Санхүүжилт: Монголын томоохон аж ахуйн нэгжүүдийн дэмжлэгээр

ААН-ээс гарах зардал: Тус бүр 4.000.000₮

Номын хэвлэгдэх хувь: 11.000 ширхэг

Номын тухай: Ном А4 хэмжээтэй хэвлэгдэнэ. Нэг компанид ногдох нүүр 3 хуудас буюу 6 нүүр байна. Номд орох мэдээллийг сэтгүүлчид компанийн захиралтай уулзаж, ярилцлага хийн нийтлэл хэлбэрээр бэлтгэн гаргана.
Номын 6 нүүрний 1 хуудаст ганц том фото зураг явна. Энэ зураг дээр ААН өөрийн компанийн логотой, компанийн имижийг постер, реклам, брэнд бүтээгдэхүүн гэх мэт байж болно. Номын бэлтгэл ажил сэтгүүлчдийн баг 7, 8 дугаар сард аж ахуйн нэгжүүдээс ярилцлага авснаар эхэлнэ.

Номын имиж: Ном хатуу хавтастай бүтнэ. Номын гадуур компаниуд өөрсдийн имижээс бүтсэн супер хавтастай байна.

Номын түгээлт: Бүтээлд оролцсон аж ахуйн нэгж тус бүрт бүтээлийн дээжээс 100 ширхэгийг олгоно

Аж ахуйн нэгжүүдэд олгох давуу тал: ААН-үүд өөрт ногдох 100 ширхэг номын хавтасыг өөр өөрсдийн компанийн компанийн имижээр бүрдүүлж хэвлүүлэх боломжийг олгоно

Төсөл эхлэх хугацаа: 2020 оны 05 сарын 01

Төслийн дэмжигч байгууллага: МҮХАҮТ, ААН байгууллагууд

Төслийн удирдагч: МҮХАҮТ-ын дарга Т.Дүүрэн

Бүтээлийг бэлтгэх сэтгүүлчдийн баг: