Хятад улсын агаарын тээврийн зорчигчдын тоо 84.5% хүртэл буурчээ

Хятадын агаарын тээврийн зорчигчдын тоо 84.5 хувиар буурсан нь коронавирусын нөхцөл байдал эдийн засагт асар их нөлөө үзүүлж байгааг Хятадын агаарын тээврийн зохицуулагч мэдэгдсэн. Энэхүү хөл хорио нь 21 тэрбум юаны орлогын алдагдалд хүргэж байна. Энэ долоо хоногийн эхээр Хятадын Засгийн газар агаарын тээврийн компаниудаа дэмжих шинэ арга хэмжээг авахаа зарласан. Аялал жуулчлалын хязгаарлалтаас болж дэлхийн агаарын тээврийн салбарт зорчигчдын тоо эрс буурж байна. Хятадын Иргэний нисэхийн алба (CAAC) Хятадын агаарын тээврийн компаниудыг татвараас чөлөөлөх, олон улсын нислэгүүдэд нэмэлт санхүүжилт олгох болно гэдгээ мэдэгдсэн. Агаарын тээврийн компаниудын зардлыг бууруулахад туслах зорилгоор онгоц хөөрөх, буух зардлыг багасгаж нисэх буудлын дэд бүтцийн зардал 2020 он гэхэд 100 тэрбум юаниар нэмэгдэнэ гэж тооцоолж байна.

БНХАУ-ын хамгийн том агаарын тээврийн компаниуд нь China Southern, China Eastern, Air China, Hainan Airlines юм. Хятад улс Хайнаны толгой компани болох HNA Group-ийг хяналтандаа авч, агаарын тээврийн хөрөнгийг зарахаар төлөвлөж байгаа тухай мэдээллээ. Саяхан Хятадын засгийн газраас HNA группын удирдлагыг хүлээн авсан тухайгаа Financial Times сонинд дурджээ.

Олон улсын агаарын тээврийн компаниуд Хятад улс руу нисэх нислэгүүдээ 4-р сар хүртэл цуцаллаа.

АНУ-ын Ерөнхийлөгч Дональд Трамп Их Британиас бусад Европын Холбооны улс руу нисэх нислэгүүдийг хориглосон нь Ази тивээс илүү Америк, Европын агаарын тээврийн компаниудад хүнд цохилт үзүүлэх магадлалтай байна.

Эх сурвалж: BBC News