ТӨК-УУДЫН ТУЗ-ИЙН ҮР НӨЛӨӨГ БЭХЖҮҮЛЭХЭД ТУЛГАРЧ БУЙ ХҮНДРЭЛ, АРГА ШИЙДЭЛ СЭДЭВТ УУЛЗАЛТ БОЛЛОО
Монголын Үндэсний Худалдаа Аж Үйлдвэрийн Танхим (МҮХАҮТ) Азийн Хөгжлийн Банктай хамтран “Төрийн өмчит компаниудын төлөөлөн удирдах зөвлөлийн үр нөлөөтэй байдлыг бэхжүүлэхэд тулгарч байгаа хүндрэл ба арга шийдэл” сэдэвт сургалтыг /2026.09.03/ амжилттай зохион байгууллаа.
Энэхүү сургалтад МҮХАҮТ, Азийн Хөгжлийн банк, “Чингис Хаан Баялгийн Сан Нэгдэл” ХХК, Санхүүгийн Зохицуулах Хороо, “Монголын төмөр зам” ХХК, “Нарийн сухайт төмөр зам” ХХК, “Төр, хувийн хэвшлийн түншлэлийн төв” ТӨААТҮГ болон холбогдох бусад байгууллагуудын төлөөлөл өргөнөөр оролцов.
Сургалтын үеэр Азийн Хөгжлийн Банкны төрийн өмчит компани, байгууллагын засаглалын зөвлөх Christopher Russell төрийн өмчит компаниудын засаглалыг сайжруулах, ил тод байдал, хариуцлага болон удирдлагын тогтолцоог бэхжүүлэх чиглэлээр илтгэл тавьж, санал солилцлоо.
Мөн оролцогчид “Төрийн болон орон нутгийн өмчийн тухай хуульд өөрчлөлт оруулах тухай” хуулийн төслийн талаар хэлэлцүүлэг өрнүүлсэн юм.
Түүнчлэн төрийн өмчит компанийн засаглал болон төлөөлөн удирдах зөвлөлийн үйл ажиллагааны үр нөлөөг дээшлүүлэхэд тулгарч буй нийтлэг асуудал, тэдгээрийг шийдвэрлэх боломжит арга зам, хараат бус гишүүдийн оролцоог нэмэгдүүлэх асуудлаар санал солилцож, туршлага хуваалцлаа.
