МҮХАҮТ болон Далайд гарцгүй хөгжиж буй орнуудын Олон улсын судалгааны төв хамтын ажиллагааны санамж бичигт үзэглэв
МҮХАҮТ болон Далайд гарцгүй хөгжиж буй орнуудын Олон улсын судалгааны төв (ITTLLDC) харилцан мэдээлэл солилцох, судалгаа шинжилгээний чиглэлээр хамтын ажиллагаагаа өргөжүүлэх хүрээгээ тодорхойлж, хамтын ажиллагааны санамж бичигт гарын үсэг зурлаа.
Уг санамж бичгийг МҮХАҮТ-ын Ерөнхийлөгч Б.Лхагважав, Далайд гарцгүй хөгжиж буй орнуудын олон улсын судалгааны төвийн Гүйцэтгэх захирал Д.Дөлгөөн нар үзэглэсэн бөгөөд талууд хууль дээдлэх, тэгш эрх, нээлттэй, ил тод байх зарчмыг баримтлан хамтран ажиллахаа илэрхийлэв.
Хамтын ажиллагааны хүрээнд талууд олон улсын бизнесийн чиг хандлагын талаар мэдээлэл солилцох, эрдэм шинжилгээ, судалгааны материал, өгөгдлийг хуваалцах, сонирхсон чиглэлээрээ хамтарсан судалгаа, дүн шинжилгээ хийхээс гадна сургалт, уулзалт, хэлэлцүүлэг, арга хэмжээнүүдийг хамтран зохион байгуулахаар төлөвлөжээ.
Энэхүү түншлэл нь далайд гарцгүй хөгжиж буй орнуудын эдийн засаг, худалдааны бодлогын чиглэлээр туршлага солилцох, бодит судалгаанд үндэслэсэн бизнесийн өмгөөллийг хэрэгжүүлэх болон талуудын чадавхыг бэхжүүлэхэд чухал ач холбогдолтой юм.
