“ЧАНАРЫН ХЯНАЛТ БА ЧАНАРЫН БАТАЛГААЖУУЛАЛТ” АНХНЫ СУРГАЛТ АМЖИЛТТАЙ БОЛЛОО

Монгол Улсад үйл ажиллагаа явуулж буй төр, хувийн хэвшлийн лабораториудын чадавхыг бэхжүүлэх, шинжилгээний үр дүнгийн найдвартай байдлыг олон улсын түвшинд хүргэх шаардлага цаг үеийн чухал захиалга болоод байна. Үүнтэй холбоотойгоор МҮХАҮТ-ын дэргэдэх Бизнес академиас санаачлан “Чанарын хяналт ба чанарын баталгаажуулалт” сэдэвт сургалтыг энэ сарын 18, 19-ний өдрүүдэд анх удаагаа амжилттай зохион байгууллаа.

Энэ удаагийн сургалтад салбарын нийт 15 мэргэжилтэн хамрагдаж, мэдлэг чадвараа ахиулсан бөгөөд хоёр өдрийн турш үргэлжилсэн тус хөтөлбөрийг салбартаа танигдсан, туршлагатай сургагч багш Х.Жаргал, Ц.Шүр нар удирдан явууллаа. Сургалт нь онол болон практик хосолсон арга зүйгээр оролцогчдод цогц мэдлэг олгосноороо онцлог байв.