НҮБ-ЫН 2025 ОНЫ ТАЙЛАНД МОНГОЛЫН ЭМЭГТЭЙ БИЗНЕС ЭРХЛЭГЧДИЙГ ОНЦОЛЛОО

Монголын Үндэсний Худалдаа Аж Үйлдвэрийн Танхим (МҮХАҮТ) нь Дэлхийн Худалдааны Байгууллага (ДХБ), Олон улсын худалдааны төв (ITC)-тэй хамтран хэрэгжүүлж буй “Цахим эдийн засаг дахь эмэгтэй экспортлогч” (WEIDE) төслийг хэрэгжүүлж байгаа билээ. 

НҮБ-ын 2025 оны тайланд тус төслийн үр дүн, оролцогч эмэгтэй бизнес эрхлэгчдийн бодит амжилтын түүхүүдийг онцолж, Монгол Улсад эмэгтэйчүүдийн эдийн засгийн оролцоо, дижитал худалдааны хөгжилд үзүүлж буй эерэг нөлөөллийг тэмдэглэжээ. 

WEIDE төслийн хүрээнд Монголын эмэгтэй бизнес эрхлэгчид цахим худалдаа, экспорт, санхүүгийн боловсрол, дижитал маркетинг, бүтээгдэхүүний хөгжүүлэлт зэрэг чиглэлээр чадавхжуулах сургалтад хамрагдаж, олон улсын зах зээлд гарах боломжоо өргөжүүлж байна.