ХАМТАРСАН УУЛЗАЛТ ХИЙЛЭЭ
Монголын Ур чадварын шилжилт /SkillShift/ хөтөлбөрийг Канадын Гадаад хэргийн яам (Global Affairs Canada), Монгол Улсын Боловсролын Яам (БЯ)-тай хамтран таван жилийн хугацаанд хэрэгжүүлж эхлээд байна.
Уг хөтөлбөр нь Монгол Улсын эдийн засаг, нийгмийн хөгжилд хувь нэмэр оруулах эмэгтэйчүүд болон хөгжлийн бэрхшээлтэй залуусыг шаардлагатай ур чадвараар хангах зорилготой ба сонгогдсон Мэргэжлийн болон Техникийн боловсрол, сургалтын байгууллагуудын удирдлага, багш, ажилтнуудын чадавхыг бэхжүүлж, хөдөлмөрийн зах зээлийн эрэлтэд нийцсэн, жендерийн мэдрэмжтэй, уур амьсгалын өөрчлөлтөд мэдрэмтгий, хүртээмжтэй хөтөлбөрүүдийг хэрэгжүүлэхэд дэмжлэг үзүүлнэ.
Монголын Ур чадварын шилжилт хөтөлбөрийг хэрэгжүүлэх Канадын байгууллагуудын төлөөлөлтэй Монгол улсад Үндэсний мэргэшлийн түвшний дагуу ажил мэргэжлийн стандарт боловсруулах үйл явц, өнөөгийн байдал, компани ААН-үүдийн оролцоо, ойлголтын талаар санал солилцох уулзалтыг МҮХАҮТ, МАОЭНХ-ны төлөөллүүдтэй хийлээ. МҮХАҮТ-аас хосмог сургалтын чиглэлээр баримталж буй бодлого, хувийн хэвшлийн оролцоо, энэ чиглэлээр хийгдэж буй үйл ажиллагаа, цаашид хамтран ажиллах боломжийн талаар санал солилцлоо.
