БНСУ-ЫН БОРЁН ХОТЫН ТӨЛӨӨЛӨГЧИДТЭЙ ХАМТЫН АЖИЛЛАГААНЫ ТАЛААР УУЛЗАЛТ ХИЙВ

МҮХАҮТ-ын Дэд захирал Ч.Баттулга БНСУ-ын Борён хотын төлөөлөгчид болон тус улсын "Prestige Laver Co.,Ltd" компанийн удирдлагуудыг хүлээн авч уулзлаа.

Уулзалтаар Борён хотын төлөөлөгчид тус хотын далайн хүнсний үйлдвэрлэл, логистик болон олон улсын "Mud Festival" зэрэг аялал жуулчлалын салбарын давуу талуудаа танилцуулсан юм. Талууд цаашид хоёр улсын хооронд худалдаа, экспорт, импортыг нэмэгдүүлэх, ялангуяа хүнс болон далайн гаралтай бүтээгдэхүүний салбарт бизнесийн түншлэлийг хөгжүүлэх боломжийн талаар санал солилцов.

Мөн уулзалтын үеэр "Prestige Laver Co.,Ltd" компанийн далайн байцаагаар үйлдвэрлэсэн “Kiukimium Chips” брэндийн бүтээгдэхүүний амталгаат танилцуулгыг зохион байгуулж, тус брэндийг Монгол Улсын зах зээлд нийлүүлэх боломжийг ярилцлаа.