Монголын Үндэсний Худалдаа Аж Үйлдвэрийн Танхим-ын дэргэдэх Бизнесийн Ёс зүйн төв нь Олон Улсын Хөдөлмөрийн Байгууллага-ын Лидер хөтөлбөрийн хүрээнд “ESG ба Тогтвортой бизнесийн практик” сургалтыг амжилттай зохион байгууллаа.

Тус сургалтад үйлдвэрлэл, үйлчилгээ, худалдаа болон бусад салбарын нийт 35 аж ахуйн нэгжийн төлөөлөл оролцож, ESG буюу байгаль орчин, нийгэм, засаглалын шалгуур үзүүлэлтүүдийг байгууллагын үйл ажиллагаандаа хэрхэн нэвтрүүлэх, тогтвортой бизнесийн практикийг хэрхэн хэрэгжүүлэх талаар мэдлэг, туршлагаа нэмэгдүүлэв.

Сургалтын хүрээнд ESG-ийн ойлголт, олон улсын чиг хандлага, тогтвортой бизнесийн практик, байгууллагын засаглал, хариуцлагатай бизнесийн зарчим, байгаль орчинд ээлтэй үйлдвэрлэл болон ногоон шилжилтийн талаар мэдээлэллийг оролцогчдод хүргэлээ.

БЁЗТ-н сургагч багш Б.Мөнхзаяагийн удирдсан тус сургалтаар оролцогч байгууллагууд ESG (Байгаль орчин, нийгэм, засаглал) шаардлагын талаар санал солилцов. Тэд уг шаардлага нь зөвхөн олон улсын зах зээлд өрсөлдөх чадварыг нэмэгдүүлээд зогсохгүй, байгууллагын урт хугацааны тогтвортой өсөлт, нэр хүнд болон хөрөнгө оруулалтын боломжийг өсгөх чухал хүчин зүйл болж буйг онцоллоо.

Монголын Үндэсний Худалдаа Аж Үйлдвэрийн Танхим болон Бизнесийн Ёс зүйн төв нь цаашид Монголын аж ахуйн нэгжүүдийн ESG болон тогтвортой хөгжлийн чадавхыг бэхжүүлэх, олон улсын шаардлагад нийцсэн хариуцлагатай бизнесийн орчныг төлөвшүүлэх чиглэлээр сургалт, зөвлөмж, хамтын ажиллагааг тогтмол хэрэгжүүлэхээр ажиллаж байна.