МҮХАҮТ БНСУ-ЫН "BEXCO" ТӨВТЭЙ ХАМТРАН АЖИЛЛАНА

2026/05/12 0

МҮХАҮТ-ын Ерөнхийлөгч Б.Лхагважав, Гүйцэтгэх захирал Ц.Магнайбаатар нар БНСУ-ын Пусан хотын Үзэсгэлэн, конвенцын төв (BEXCO)-д зочилж, Монгол Улсаас Пусан хотод суугаа Консулын газрын төлөөлөгчдийн хамт хоёр улсын бизнес хамтын ажиллагааг өргөжүүлэх боломжийн талаар уулзалт зохион байгууллаа.

Талууд худалдаа, хөрөнгө оруулалт болон олон улсын үзэсгэлэн, бизнес форумаар дамжуулан аж ахуйн нэгжүүдийн түншлэлийг дэмжих, бизнесийн солилцоог идэвхжүүлэх боломжуудын талаар онцлон ярилцав. Мөн цаашид урт хугацааны, бодит үр дүнтэй хамтын ажиллагааг хэрэгжүүлж, хоёр улсын бизнесийн харилцааг шинэ шатанд гаргахаар тохиролцов.

БНСУ-ын томоохон үзэсгэлэн, конвенцын төвүүдийн нэг болох BEXCO нь дэлхийн хэмжээний арга хэмжээнүүдийг тогтмол зохион байгуулдаг туршлагатай бөгөөд бүс нутагтаа эдийн засгийн хамтын ажиллагааны чухал талбар аж.