МҮХАҮТ Олон Улсын Барааны Тэмдэг Эзэмшигчдийн Холбоонд /International Trademark Association/ гишүүнээр элслээ

Олон Улсын Барааны Тэмдэг Эзэмшигчдийн Холбоо нь 1878 онд худалдаа, арилжаа эрхлэгчдийн санаачлагаар байгуулагдсан бөгөөд брэнд нэр ашиглан хэрэглэгчдийн итгэлийг олох, барааны тэмдгийн эдийн засагт үзүүлэх үр нөлөөг дээшлүүлэх, инновацийг дэмжих зорилготой 31 000 орчим гишүүдийн нэгдэл бүхий олон улсын байгууллага юм.

Барааны Тэмдэг Эзэмшигчдийн Олон Улсын Холбоонд элссэнээр дараах давуу талуудтай. Үүнд:

1. Тус байгууллагаас зохион байгуулж буй уулзалт, бага хурал, семинарт хамрагдах, салбарын мэдлэг, мэдээллийг дээшлүүлэх, мэргэжилтнүүдийг чадавхжуулах;
2. INTA Membership Directory буюу гишүүдийн мэдээллийн санд нэгдсэнээр оюуны өмчөөр дагнасан ижил үйл ажиллагаа явуулдаг байгууллагуудтай холбоо тогтоох;
3. Оюуны өмчийн салбар хөгжсөн орнуудыг туршлагаас суралцах;
4. Барааны тэмдгийг эдийн засгийн эргэлтэд оруулах, барааны тэмдгийн үнэ цэнийг өсгөх тухай ойлголтыг харилцагч, үйлчлүүлэгчдээ таниулах

МҮХАҮТ-ын оюуны өмчийн итгэмжлэгдсэн төлөөллийн үйлчилгээ нь 1970 оноос эхлэлтэй бөгөөд оюуны өмч тэр дундаа аж үйлдвэрийн өмчийн талаарх ойлголтыг олон нийтэд түгээх, харилцагчдад барааны тэмдгийн талаар эрх зүйн зөвлөгөө, мэдээлэл хүргэх, энэ чиглэлээр сургалт зохион байгуулах, Монгол улсад болон гадны улс орнуудад харилцагчдын барааны тэмдгийн эрхийн хамгаалалт хийхэд зуучлалын үүрэг гүйцэтгэх зэргээр аж үйлдвэрийн өмчийн салбарын хөгжилд хувь нэмрээ оруулж байна.