“WOMEN OWNED” ТОХИРЛЫН ТЭМДГИЙГ ШИНЭЭР АВСАН АЖ АХУЙН НЭГЖҮҮДЭД ГЭРЧИЛГЭЭГ НЬ ГАРДУУЛЛАА
МҮХАҮТ, Голомт банктай хамтран бизнес эрхлэгч эмэгтэйчүүдийг дэмжих зорилгоор гаргасан “Women Owned” тохирлын гэрчилгээ гардуулах 2026 оны 1-р улирлын үйл ажиллагаа боллоо.
Энэхүү тэмдгээр дамжуулан тухайн бүтээгдэхүүн, үйлчилгээг эмэгтэй бизнес эрхлэгч шийдвэр гарган бизнесийн үйл ажиллагаагаа явуулж байгааг зах зээлд таниулан бизнесийг нь ялгаруулан, сургалт хөтөлбөрөөр чадавхжуулан хамтын ажиллагааг өргөжүүлэн бизнесээ тэлэхэд хамтран ажиллах зорилготой юм.
Тэмдгийн ач холбогдол:
Хамтын ажиллагааг өргөжүүлэх
Сургалт, чадавхжуулах хөтөлбөр, арга хэмжээнүүд
Мэдлэгээ хуваалцах
Бизнес тур
Эвент, арга хэмжээ
Бизнес таниулах маркетингийн боломжууд
Дотоодын болон гадны арга хэмжээ
Хамтарсан борлуулалтыг дэмжих лояалти хөтөлбөр
Борлуулалтыг дэмжих үзэсгэлэн худалдаа
Чадавхжуулах сургалтууд
Уг тохирлын тэмдгийн хөндлөнгийн баталгаажуулагч байгууллагаар “Эс Эф Си Эс” ХХК ажиллаж байгаа бөгөөд Голомт банк, МҮХАҮТ болон “Эс Эф Си Эс” ХХК-ийн төлөөллөөс бүрдсэн гурван талын хамтарсан зөвлөлийн хурлаар нөхцөл шаардлагыг нягтлан баталгаажуулсны үндсэн дээр гэрчилгээг олгодог журамтай.
Ингэснээр эмэгтэйчүүдийн удирдсан бизнесүүд стандартын шаардлага хангасан, найдвартай байдлаа хэрэглэгчдэд батлан харуулж, урт хугацааны тогтвортой хөгжлийг хангах таатай орчин бүрдэж байгаа юм.
