БИЗНЕСИЙН САЛБАРТ ТЕХНОЛОГИЙН ШИНЭЧЛЭЛ, ДИЖИТАЛ ШИЛЖИЛТИЙГ ТҮҮЧЭЭЛЭХ БОЛОМЖУУДЫГ ХЭЛЭЛЦЭВ

Шинжлэх ухаан, технологийн их сургуулийн Менежментийн сургууль МҮХАҮТ хамтран "Бизнесийн Технологи - 2026" эрдэм шинжилгээний хурлыг өнөөдөр амжилттай зохион байгууллаа.

Тус хурлаар бизнесийн салбарын дижитал шилжилт, 5G сүлжээний давуу тал болон ухаалаг хотын тээврийн логистикийн шийдлүүдийг эрдэмтэн судлаачид танилцуулсан юм.

Нээлтэд МҮХАҮТ-ын Гүйцэтгэх захирал Ц.Магнайбаатар оролцон, технологийн дэвшлийг бизнесийн салбарт нутагшуулах нь улс орны өрсөлдөх чадварын амин судас болохыг тэмдэглээд, эрдэмтдийн мэдлэгийг бодит үйлдвэрлэлтэй холбох гүүр нь энэхүү хурал болж буйг онцоллоо.

Хэлэлцүүлгийн төгсгөлд оролцогчид технологийн хөрөнгө оруулалтын үр ашиг болон мэдээллийн аюулгүй байдлын олон улсын стандартыг нэвтрүүлэх асуудлаар санал солилцож, цаашид инновацийн төслүүдийг хамтран хэрэгжүүлэхээр тогтлоо.