ЧӨЛӨӨТ БҮСҮҮДИЙН МЕНЕЖМЕНТ БОЛОН ТЭЭВЭР ЛОГИСТИКИЙГ ХӨГЖҮҮЛЭХ "ГУРВАЛСАН ТҮНШЛЭЛИЙН САНАМЖ БИЧИГ"-Т ГАРЫН ҮСЭГ ЗУРЛАА

Монголын Үндэсний Худалдаа Аж Үйлдвэрийн Танхим, Эдийн засгийн коридор, чөлөөт бүсүүдийн танхим болон Монголын тээвэр логистикийн түншлэл мэргэжлийн холбооны удирдлагууд "Гурвалсан түншлэлийн санамж бичиг"-т  гарын үсэг зурж, хамтын ажиллагаагаа баталгаажууллаа.

Талууд Монгол Улсын Засгийн газартай хамтран чөлөөт бүсүүдийг хөгжүүлэх менежментэд хувийн хэвшлийн оролцоог хангах, гадаад харилцааг "нэг цонх"-ны бодлогоор удирдах болон төслүүдэд хөрөнгө оруулалт татах чиглэлээр нэгдсэн зорилготой ажиллах юм.
 

Гарын үсэг зурах ёслолын үеэр эхний ээлжинд "Алтанбулаг" чөлөөт бүсийн тээвэр-логистикийг хөгжүүлэх менежмент хэрэгжүүлэгчийг сонгон шалгаруулах тендерт хамтран оролцохоо илэрхийлсэн бөгөөд цаашид бусад чөлөөт бүсүүдийн хөрөнгө оруулалт, бүтээн байгуулалтын ажилд мэргэжлийн дэмжлэг үзүүлж, төр-хувийн хэвшлийн уялдааг хангахад онцгой анхаарахаар тохиролцов.

Санамж бичигт МҮХАҮТ-ын Гүйцэтгэх захирал Ц.Магнайбаатар, Эдийн засгийн коридор, чөлөөт бүсүүдийн танхимын Ерөнхийлөгч Ч.Амарбаатар болон Монголын тээвэр логистикийн түншлэл мэргэжлийн холбооны Ерөнхийлөгч А.Мөнхболд нар гарын үсэг зурлаа.