“ЭКСПО-2020” Дубай Дэлхийн үзэсгэлэнд оролцуулах бараа бүтээгдэхүүнийг ЭКСПО зохион байгуулах хорооноос тавьсан чанар стандартын дагуу харгалзан үзэж сонгон шалгаруулж авна
Арабын Нэгдсэн Эмират Улсын (АНЭУ) Дубай хотноо 2020 оны 10 дугаар сарын 20-ны өдрөөс 2021 оны 04 дүгээр сарын 10-ны өдрийг хүртэл нийт 6 сарын хугацаанд “ЭКСПО-2020” дэлхийн үзэсгэлэн “БОЛОМЖ – шинэ үйлдвэр, шинэ ажлын байр, боловсрол, санхүүгийн нөөц, засаглал; ХӨДӨЛГӨӨН – тээвэр логистик, дижитал харилцаа холбоо, аялал жуулчлал, судалгаа шинжилгээ; ТОГТВОРТОЙ БАЙДАЛ – байгалийн баялаг, уур амьсгалын өөрчлөлт, ногоон эдийн засаг, хот төлөвлөлтийн тогтвортой байдал, барилгажилтын орчин, байгалийн эко систем болон төрх байдал” гэсэн гурван гол сэдвийн дор зохион байгуулагдах юм.
АНЭУ-ын “ЭКСПО 2020”- дэлхийн үзэсгэлэнг зохион байгуулах ерөнхий хорооноос санал болгож буй 380м.кв үзэсгэлэнгийн талбайд Монгол Улсыг иж бүрэн сурталчлан оролцоход Гадаад харилцааны яам, МҮХАҮТанхим хамтран бэлтгэл ажлыг ханган ажиллаж байна. Үзэсгэлэнгийн хугацаанд Монгол Улсын түүх дурсгалын үнэт үзмэрүүд, соёл, ёс заншил, үндэсний бичиг, өв уламжлалыг танилцуулахаас гадна хөдөө аж ахуй, аялал жуулчлал, уул уурхай болон үндэсний үйлдвэрлэгчдийн бараа бүтээгдэхүүнийг дэлхий нийтэд танилцуулах юм. Үзэсгэлэнгийн сувинер шоп нь 20 м.кв талбайд багтах бөгөөд хүнсний бүтээгдэхүүн, ноолууран бүтээгдэхүүнд хамаарахгүй болно.
“ЭКСПО-2020” дэлхийн үзэсгэлэнд Монгол Улсаа иж бүрэн сурталчлах үйл хэрэгт Та бүхнийг идэвхтэй оролцохыг уриалж байна. Сонгон шалгаруулалт бараа хүлээн авах хугацаа 2 дугаар сарын 18-наас 3 дугаар сарын 06 хүртэл МҮХАҮТ дээр хүлээн авна:
Дараах шаардлагыг хангаж буй бараа бүтээгдэхүүн, загвар, дээж үзэсгэлэнд оролцох боломжтой. Үүнд:
- Олон улсын стандартад нийцсэн сав, баглаа, боодолтой байх,
- Бүтээгдэхүүний хаяг, шошго, хэрэглэх заавар, үйлдвэрлэсэн он, сар, өдөр, тэмдэг, тэмдэглэгээ Англи хэл дээр хийх,
- Бүтээгдэхүүн тус бүр олон улсын GS1 нийгэмлэгийн зураасан кодтой байх, бүтээгдэхүүний савалгаа тус бүрд зураасан кодыг унаж, гээгдэхээргүй байрлуулсан байх,
- Өнгө, үзэмж, чанар, стандарт, эдэлгээний шаардлагыг хангасан байх,
- Байгаль, цаг уурын онцлогт тааруулсан байх, / Экспо болох газар халуун, чийглэг уур амьсгалтай/
- Ачиж тээвэрлэхэд эвдэрч гэмтхээргүй зориулалтын хайрцаг, савалгаатай байх, хайрцаг болон савлагааны гадна элдэв бичиг, зураг, тэмдэглэгээгүй байх,
- Үзэсгэлэнд оролцуулах бараа бүтээгдэхүүнийг ЭКСПО зохион байгуулах хорооноос тавьсан чанар стандартын дагуу харгалзан үзэж сонгон шалгаруулж авна,
Холбоо барих:
МҮХАҮТ-ын Үзэсгэлэн яармагийн газар
Мэргэжилтэн Д.Ууганбаатар
Утас: (976) 77277070 (4), 99915000
Цахим шуудан: exhibition@mongolchamber.mn, uuganaa9009@gmail.com