МҮХАҮТ БОЛОН “ТИНК ПРО” ХХК ХАМТРАН АЖИЛЛАХ САНАМЖ БИЧИГ БАЙГУУЛЛАА

Монголын Үндэсний Худалдаа, Аж Үйлдвэрийн Танхим болон “Тинк Про” ХХК хамтын ажиллагаагаа өргөжүүлэх зорилгоор санамж бичиг байгууллаа. Энэхүү хамтын ажиллагааны хүрээнд МҮХАҮТ-ын гишүүн аж ахуйн нэгжүүдийг “Тинк Про” ХХК-ийн сургалтад хөнгөлөлттэй үнээр хамруулах, сургалтын мэдээллийг Танхимын сувгуудаар түгээх, гишүүнчлэлийн дашбоард угсрах зэрэг ажлуудыг хийхээр тохиролцсон байна.

Мөн “Тинк Про” ХХК нь сургалт, зөвлөгөөг чанарын өндөр түвшинд гүйцэтгэх ба Танхимаас зохион байгуулж буй арга хэмжээнд илтгэгчээр оролцох боломжтой болж байгаа юм. Санамж бичигт МҮХАҮТ-ыг төлөөлж Дэд захирал Ч.Баттулга, “Тинк Про” ХХК-ийг төлөөлж Гүйцэтгэх захирал О.Лувсанжамц нар гарын үсэг зурлаа.