МОНГОЛЫН УУЛ УУРХАЙН БИЗНЕСИЙН ТӨЛӨӨЛӨГЧИД ПОЛЬШ УЛСЫН JSW “BUDRYK” УУРХАЙ БОЛОН MARTECH PLUS КОМПАНИД ЗОЧИЛОВ
Монголын уул уурхайн салбарын бизнесийн төлөөлөгчид Польш Улсад хийж буй ажлын айлчлалынхаа хүрээнд JSW группийн “Budryk” уурхай болон Martech Plus компанийн үйл ажиллагаатай танилцлаа. JSW группийн бүрэлдэхүүнд багтах “Budryk” гүний далд уурхай нь Европын Холбооны хамгийн том коксжих нүүрс үйлдвэрлэгчдийн нэг болох JSW компанийн чухал нэгж бөгөөд Польш Улсын хамгийн гүн уурхайнуудад тооцогддог.
Монголын бизнес төлөөлөгчид уурхайн гүний үйл ажиллагаатай биечлэн танилцаж, орчин үеийн уул уурхайн технологи, аюулгүй ажиллагааны шийдэл, метан хийн ашиглалт зэрэг дэвшилтэт технологийн туршлагаас суралцав.
Мөн төлөөлөгчид Martech Plus компанид зочилж, уул уурхай болон эрчим хүчний салбарт зориулсан цахилгаан тоног төхөөрөмжийн үйлдвэрлэл, засвар үйлчилгээ болон инженерийн шийдлүүдтэй танилцлаа.
Тус компани нь дэлхийн стандартад нийцсэн, тэсрэлтээс хамгаалагдсан трансформаторын дэд станц, цахилгаан хангамжийн систем, гэрэлтүүлгийн тоног төхөөрөмжийг үйлдвэрлэж, уул уурхайн салбарт тэргүүлэгч байр суурийг эзэлж байна. Айлчлалын үеэр Монголын бизнесийн төлөөлөгчдөд халуун дотноор хүлээн авч, өндөр түвшний зохион байгуулалттайгаар үйл ажиллагаагаа танилцуулсан JSW “Budryk” уурхай болон Martech Plus компанийн хамт олонд талархал илэрхийлье. Энэхүү айлчлал нь хоёр улсын уул уурхайн салбарын хамтын ажиллагааг өргөжүүлэх, харилцан туршлага солилцох чухал алхам боллоо.
