МҮХАҮТ-ЫН 7 ХОНОГИЙН ТОЙМ: ОНЦЛОХ МЭДЭЭЛЛҮҮД

"Мастер Сургагч" бэлтгэх сургалтын эхний шат амжилттай зохион байгуулагдлаа

"Ажлын байран дахь сургагч, дадлагажуулагч" хөтөлбөрийг сурталчлан таниулах, сургалтын ур чадвартай мэргэшсэн сургагчдыг бэлтгэх зорилготой "Мастер сургагч" сургалт зохион байгуулагдлаа. Уг сургалтыг МУХАҮТ-ын Хосмог сургалтын нэгж, GIZ-ийн "Түншлэлд суурилсан техникийн болон мэргэжлийн боловсрол, сургалт-II" төслийн дэмжлэгтэйгээр 17 оролцогчийг хамруулан амжилттай явууллаа.

Монголын эдийн засаг 2025 онд 6.9%-ийн өсөлт үзүүллээ

Дэлхийн банкны тайлангаар Монгол Улсын эдийн засаг 2025 онд 6.9%-ийн өндөр өсөлт үзүүлсэн нь Оюу толгойн зэсийн үйлдвэрлэл болон хөдөө аж ахуйн сэргэлттэй шууд холбоотой байна. Хэдийгээр экспортын орлого сайн байгаа ч хэрэглээний үнэ болон үйлдвэрлэлийн зардал нэмэгдэж байгаа нь дотоодын бизнесүүдэд томоохон сорилт болж байгааг онцолжээ. 2026 оноос энэ өсөлт 5.0%-д хүрч тогтворжих төлөвтэй байна.

 Trade Finance Forum-2026: Бизнес эрхлэгчдийн эрх ашгийг хамгаалах нь чухал

"Trade Finance Forum-2026" форумын үеэр МУХАҮТ-ын Ерөнхийлөгч Б.Лхагважав төр, хувийн хэвшлийн хамтын ажиллагааны талаар байр сууриа илэрхийллээ. Тэрээр төрийн зүгээс бизнесүүдийн үйл ажиллагаанд халдах, данс хаах зэрэг нь хөрөнгө оруулалтын орчинд сөргөөр нөлөөлж буйг тэмдэглээд, Эдийн засгийн эрх чөлөөний тухай хууль болон ESG стандартыг хэрэгжүүлэх нь хөрөнгө оруулагчдыг татах гол хөшүүрэг болно гэдгийг онцлов.

Монголын Бизнесийн Орчны Судалгаа–2026 эхэллээ

МУХАҮТ болон МУИС хамтран "Монголын бизнесийн орчны судалгаа-2026"-ыг орон даяар эхлүүллээ. Энэхүү судалгаа нь манай улсын бизнесийн орчинд нөлөөлж буй хүчин зүйлсийг тодорхойлох, бизнесүүдэд тулгарч буй хүндрэлийг шийдвэрлэх гарц тодорхойлох зорилготой юм. Мэдээлэл цуглуулалт 4 болон 5 дугаар сард явагдах бөгөөд нийт 2700 аж ахуйн нэгжийг хамруулахаар төлөвлөжээ.

 Chamber Podcast: "Метагро" ХХК-ийн амжилтын түүх

Entrepreneur 2025 хөдөө аж ахуйн салбарын шилдэг "Метагро" ХХК-ийн Гүйцэтгэх захирал Б.Солонго подкастад оролцлоо. Тэрээр хүнсний аюулгүй байдлыг хангах, салбарын хөгжилд инноваци нэвтрүүлэх туршлагаасаа хуваалцсан байна.

 4-Р САРЫН ОНЦЛОХ ГИШҮҮД (SPECIAL MEMBERS)

• Гоулд ангилал: "ЦОМБО" ХХК – Эм, эмнэлгийн хэрэгсэл, өндөр технологийн тоног төхөөрөмж нийлүүлэгч.

• Платинум ангилал: "ТИНК ПРО" ХХК – Дата анализ, дата архитектур болон дижитал шилжилтийн чиглэлээр тэргүүлэгч.