МҮХАҮТ-аас улирал бүр бэлтгэн хүргэдэг "Бизнес итгэлийн индекс"-ийн 2025 оны IV улирлын судалгааны үр дүн гарлаа. Энэхүү үзүүлэлт нь бизнес эрхлэгчид өнөөгийн нөхцөл байдлыг хэрхэн дүгнэж, ирэх 2026 оныг ямар хүлээлттэй угтаж байгааг харуулдаг чухал баримт юм.

БИЗНЕС ЭРХЛЭГЧДИЙН ЕРӨНХИЙ ХАНДЛАГА

Судалгаагаар бизнес итгэлийн индекс -0.15 нэгжтэй гарсан нь бизнес эрхлэгчид өнөөгийн нөхцөл байдалд нэлээд болгоомжтой, ажигласан байр суурьтай байгааг илтгэж байна. Энэ нь макро эдийн засгийн зарим тогтворгүй байдлаас шалтгаалсан түр зуурын үзүүлэлт гэж харж болохоор байна.

ХӨРӨНГӨ ОРУУЛАЛТЫН ОРЧИН ДАХЬ ИДЭВХЖИЛ

• Орчны ерөнхий хүлээлт 29.0%: Бизнесийн орчинд тодорхой сорилтууд байгааг энэ үзүүлэлт харууллаа.

• Хөрөнгө оруулалтын хүлээлт 52.5%: Харин хөрөнгө оруулалт хийх, үйл ажиллагаагаа тэлэх хүсэл эрмэлзэл 50%-иас дээш байгаа нь таатай үзүүлэлт юм. Энэ нь бизнес эрхлэгчид хүндрэлийг боломж болгож харах эрмэлзэлтэй байгааг баталж байна.

БИЗНЕСИЙГ ДЭМЖИХЭД АНХААРАХ НЭН ТЭРГҮҮНИЙ АСУУДЛУУД

Судалгаанд оролцогчдын зүгээс бизнесийн орчныг сайжруулахад дараах хүчин зүйлсийг чухалчилжээ:

Үнийн тогтвортой байдал 45.4% – Инфляцын нөлөөг бууруулах хэрэгцээ.

Санхүүгийн хүртээмж 25.7% – Зээл, санхүүжилтийн таатай нөхцөл.

Ажиллах хүчний бодлого 22.7% – Мэргэшсэн хүний нөөцийг дэмжих.

Зах зээлийн эрэлт 20.0% – Борлуулалтыг дэмжих бодлого.

Тээвэр ложистик 16.7% – Зардал болон хүндрэлийг багасгах.

Бизнес эрхлэгчдийн зүгээс өгсөн энэхүү санал, дүгнэлт нь цаашид төр, хувийн хэвшлийн түншлэлийг бэхжүүлэх, бодлогын дэмжлэгийг зөв чиглэлд хүргэхэд суурь болох юм. МҮХАҮТ-ын зүгээс эдгээр сорилтуудыг шийдвэрлэх, бизнес эрхлэгчдэдээ таатай орчин бүрдүүлэх чиглэлээр идэвхтэй ажилласаар байх болно.