КАВКАЗЫН ХӨРӨНГӨ ОРУУЛАЛТЫН ФОРУМ
ОХУ-ын Ерөнхийлөгчийн 2023 оны 9 дүгээр сарын 18-ны өдрийн №697 зарлигийн дагуу Кавказын Хөрөнгө оруулалтын форум нь Хойд Кавказын холбооны тойргийн тогтвортой нийгэм, эдийн засгийн хөгжлийг хангах зорилгоор жил бүр зохион байгуулагддаг. Энэ жилийн форум нь “Боломжийн хүрээг тэлэх нь” сэдвийн хүрээнд явагдах юм.
Форумын бизнесийн хөтөлбөрт төрийн байгууллагуудын удирдлагууд, ОХУ болон олон улсын компаниудын төлөөлөгчид, хэвлэл мэдээллийн байгууллагууд, залуучууд болон шинжлэх ухааны салбарын төлөөлөгчид оролцоно. Форум нь ОХУ-ын бүс нутгуудад хэрэгжих хөрөнгө оруулалтын төслүүдийг хөгжүүлэх, төр-хувийн хэвшлийн түншлэлийг өргөжүүлэх зорилгоор хэлэлцээр хийх, бизнесийн гэрээ байгуулах чухал талбар болно.
Форумыг ОХУ-ын Засгийн газар болон ОХУ-ын Эдийн засгийн хөгжлийн яамны дэмжлэгтэйгээр Росконгресс сан зохион байгуулж байна.
Росконгресс сан нь нийгмийн чиг баримжаатай, санхүүгийн бус хөгжлийн байгууллага бөгөөд ОХУ-ын Ерөнхийлөгчийн шийдвэрийн дагуу байгуулагдсан. Тус сан нь бүх Оросын болон олон улсын хэмжээний конгресс, үзэсгэлэн, бизнес, нийгэм, залуучууд, спорт, соёлын арга хэмжээнүүдийг зохион байгуулагч хамгийн том байгууллагуудын нэг юм.
Сан нь НҮБ-ын бүтэц болон бусад олон улсын байгууллагуудтай хамтран ажилладаг. Мөн дэлхийн 86 орны 212 гадаад эдийн засгийн түнш, аж үйлдвэр, бизнесийн холбоод, санхүү, худалдаа, бизнесийн холбоодтой, түүнчлэн ОХУ-ын 293 олон нийтийн байгууллага, холбооны болон бүс нутгийн гүйцэтгэх болон хууль тогтоох байгууллагуудтай олон талт хамтын ажиллагааг хөгжүүлж байна.
Хэзээ: 2026 оны 5 дугаар сарын 17–19
Хаана: ОХУ, Минеральные Воды хот, “МинводыЭкспо” олон улсын үзэсгэлэнгийн төв
ДЭЛГЭРЭНГҮЙ МЭДЭЭЛЛИЙГ ЭНДЭЭС АВНА УУ.
