МҮХАҮТ ЯПОНЫ ГАДААД ХУДАЛДААГ ДЭМЖИХ БАЙГУУЛЛАГЫН /ЖЭТРО/ ТӨЛӨӨЛЛИЙГ ХҮЛЭЭН АВЧ УУЛЗЛАА
МҮХАҮТ-ын Ерөнхий нарийн бичгийн дарга Б.Саруул ЖЭТРО-ын бизнес хөгжлийн хэлтсийн дарга Мори Нориказү тэргүүтэй төлөөллийг хүлээн авч уулзаан цаашдын хамтын ажиллагааны талаар санал солилцлоо.
МҮХАҮТ нь олон жилийн турш Японы ЖЭТРО байгууллагатай хамтын ажиллагаатай байж ирсэн бөгөөд ковидын өмнө хамтарсан үйл ажиллагаа идэвхтэй зохион байгуулж байсан түүхтэй. Энэхүү уламжлалт харилцаагаа энэ жилээс улам илүү бэхжүүлэх сонирхолтой байгааг хоёр тал илэрхийлж, хоёр улсын бизнес эрхлэгчдийг чадавхжуулах семинар, уулзалтыг зохион байгуулах боломжуудын талаар хэлэлцэв.
Монгол,Японы ААН-үүдийн хамтын ажиллагааг бэхжүүлж, худалдааны эргэлтийг нэмэгдүүлэх зорилгоор МҮХАҮТ нь албан ёсоор Япон Улсын Токио хотноо МҮХАҮТ-ын төлөөлөгчийн газрыг байгуулан, Гүйцэтгэх захирлаар нь У.Өлзийням томилогдсон бөгөөд Япон Улстай хамтран ажилладаг бизнес эрхлэгчид Та бүхнийг төлөөлөгчийн газартай холбогдон, Япон улс дахь худалдааны боломжуудын талаар зөвлөгөө мэдээлэл аван хамтран ажиллахыг урьж байна.
Цахим шуудан:mnccijapan@gmail.com
