МҮХАҮТ-ЫН ГАДААД ДАХЬ ТӨЛӨӨЛӨГЧИД ГХЯ-НЫ УДИРДЛАГУУДТАЙ ХАМТЫН АЖИЛЛАГААГАА БЭХЖҮҮЛЭХЭЭР УУЛЗЛАА
МҮХАҮТ-аас БНХАУ, Япон, ХБНГУ болон Катар Улсад суугаа төлөөлөгчид Гадаад харилцааны яамны Хөрш орнуудын газар, Ёслолын газар, Нийтийн дипломат ажиллагаа, гадаад сурталчилгааны газрын удирдлагуудтай ажил хэргийн уулзалт хийж, санал солилцлоо. Уулзалтын үеэр ГХЯ-ны зүгээс гадаад орнуудад ажиллаж буй төлөөлөгчдөд албан ёсны зочин хүлээн авах, бизнес уулзалт зохион байгуулахтай холбоотой ёслолын дэг журам, зохион байгуулалтын стандартын талаар дэлгэрэнгүй мэдээлэл өгөв.
Мөн цаашид тухайн улсуудад суугаа Монгол Улсын дипломат төлөөлөгчийн газруудтай нягт хамтран ажиллаж, олон улсын үзэсгэлэн болон бусад арга хэмжээний үеэр улс орныхоо нэгдсэн дүр төрх, сурталчилгааг үр дүнтэй бүрдүүлэх чиглэлд хамтын ажиллагаагаа идэвхжүүлэхээр тохиролцсон байна.
